الماتى زووباعى 31 جاسار اق ايۋ الكورمەن قوشتاستى
«بۇگىن قايعىلى كۇن. الكوردىڭ جاعدايى قيىنداپ جاتقانىن حابارلاعان بولاتىنبىز. سوڭعى 2 ايدا رەسەي، يزرايل زووباقتارىنىڭ ۆەتەرينار دارىگەرلەرىمەن، EAZA ماماندارىمەن بىرلەسە وتىرىپ، الكوردى ەمدەۋ ءۇشىن بارىنشا كۇش سالدىق. ءبىراق كارىلىكتى ەمدەي المايمىز. سوڭعى ۋاقىتتا ول جەڭسىك اسىنان دا باس تارتا باستادى. حالىقارالىق زووباقتار قاۋىمداستىعىنىڭ ماماندارىمەن كەڭەسە وتىرىپ بۇگىن وسى ءبىر اۋىر شەشىمدى قابىلادىق. الكوردى قينالۋدان قۇتقارۋ ءۇشىن ۆەتەرينارلار ەۆتانازيا (قينالۋلاردى جەڭىلدەتۋ ماقساتىمەن ادەيى ءولتىرۋ ) جاسادى. الكور ءبىزدىڭ جۇرەگىمىزدە ماڭگىلىك قالادى»، - دەلىنگەن جازبادا.
ول الماتى زووباعىنا 1990 -جىلى 1 جاسار قونجىق كەزىندە كەلگەن. بيىل 7-جەلتوقساندا ايۋ 31 جاسقا تولدى. مۇنىڭ الدىندا زووباق الكوردىڭ احۋالى ناشارلاۋىنا بايلانىستى ۆولەردىڭ اينەك قابىرعاسىن جاپقان بولاتىن. ەسكە سالا كەتسەك، اق ايۋ حالىقارالىق قىزىل كىتاپقا ەنگەن. قازىر الەمدە 20 مىڭ اق ايۋ عانا بار.
