مەشىتتەر 31- تامىزدان باستاپ اشىلادى
پرەمەر- ءمينيستردىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيا وتىرىسىندا شەكتەۋ شارالارىن جەڭىلدەتۋدىڭ ەكىنشى كەزەڭى ماقۇلداندى.
ۆەدومستۆوارالىق كوميسسيا ەلدەگى وڭ جاعدايدى ەسكەرە كەلە، 31 - تامىزدان باستاپ ءبىرقاتار نىسانداردىڭ قىزمەتىن قايتا باستاۋعا رۇقسات بەردى. اتاپ ايتقاندا، ءدىني وبەكتىلەر، باسسەيندەر، جاتتىعۋ زالدارى، سپورت كەشەندەرى، مادەنيەت نىساندارى، مەملەكەتتىك ۇلتتىق تابيعي پاركتەر، قورىقتار، رەزەرۆاتتار، سونداي- اق قالا ماڭىنداعى جولاۋشىلار پويىزدارى، ەلەكتر پويىزدارى، قالا ارالىق، وبلىسىشىلىك اۆتوبۋستار، شاعىن اۆتوبۋستاردىڭ قوزعالىسىنا رۇقسات بەرىلەدى.
«بارلىق نىساندارعا ءتيىستى دايىندىق اكتىلەرىن العاننان كەيىن عانا جۇمىسقا كىرىسۋگە رۇقسات بەرىلەدى. وڭىرلەردىڭ اكىمدىكتەرى دەنساۋلىق ساقتاۋ مينيسترلىگى، «اتامەكەن» ۇ ك پ- مەن بىرلەسىپ، قوعام بەلسەندىلەرىن تارتا وتىرىپ، ەنگىزىلەتىن نىسانداردىڭ بارلىق سانيتارلىق تالاپتاردى قاتاڭ ساقتاۋىن قامتاماسىز ەتۋى قاجەت» دەپ اتاپ ءوتتى ەرالى توعجانوۆ.
ۆەدومستۆو ارالىق كوميسسيا شەشىمىنە سايكەس 31 - تامىزدان باستاپ ق م د ب- عا قاراستى ەلىمىزدەگى ءبىرقاتار مەشىتتەر جەكەلەگەن ناماز بەن قۇلشىلىقتار ءۇشىن، سانيتارلىق تالاپتاردى ساقتاي وتىرىپ اشىلادى.
ايتا كەتەيىك، ەكى اپتا بۇرىن قازاقستان مۇسىلماندارى ءدىني باسقارماسى وسى ماسەلەگە بايلانىستى قۇزىرەتتى مەكەمەلەرگە كارانتين تالاپتارىن ساقتاي وتىرىپ، مەشىتتەردى قايتا اشۋ تۋرالى ۇسىنىس بەرگەن بولاتىن.
ەسكە سالا كەتسەك، بيىل قۇربان ايت نامازى مەشىتتەردە وقىلمادى. قازاقستان مۇسىلماندارى ءدىني باسقارماسى كارانتينگە بايلانىستى وسىنداي شەشىم قابىلداعان بولاتىن.
