قازاقستان الەمدىك جەمقورلىق يندەكسىندە 31 ۇپاي جيناعان
ءار سالانىڭ ساراپشىلارىن جيناعان كەڭەستە سىبايلاس جەمقورلىق ماسەلەسى دە كوتەرىلدى. ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ سىبايلاس جەمقورلىققا قارسى ءىس-قيمىل ماسەلەلەرىن زەردەلەۋ جونىندەگى زەرتتەۋ ورتالىعىنىڭ ساراپشىسى ايبەك قابىلديننىڭ ايتۋىنشا، قازاقستان الەمدىك جەمقورلىق يندەكسىندە 100 ۇپايدان 31 ۇپاي جيناعان.
«جەمقورلىق يندەكسىن تارازىلاپ وتىرعان الەمدەگى ەڭ بەدەلدى ينستيتۋت بولىپ سانالاتىن Transparency International ۇيىمى 2019-جىلدىڭ العاشقى جارتىسىندا قازاقستانداعى جەمقورلىق يندەكسىن 31 ۇپايمەن باعالادى. بۇل كورسەتكىش بويىنشا ت م د ەلدەرىنىڭ اراسىندا العاشقى ورىنداردىڭ بىرىندە تۇرمىز دەپ ايتۋعا بولادى. رەسەي مەن ازەربايجان سياقتى كورشىلەرىمىز بىزدەن تومەن تۇر. بۇل جەردە اتالمىش ۇيىم جەمقورلىق يندەكسىن 0-100 ۇپاي اراسىندا ولشەيدى. جەمقورلىق جوق دەپ سانالاتىن شۆەتسيا، دانيا سياقتى ەلدەردىڭ ءوزى 90 ۇپاي العان»، - دەيدى ساراپشى.
ساراپشى جەمقورلىقپەن كۇرەس شارالارىنا دەگەن ەل سەنىمىنىڭ ازايىپ كەتكەنىن دە اتادى.
«قاسىم-جومارت توقايەۆ سىبايلاس جەمقورلىقپەن جاپپاي كۇرەس جۇرگىزۋدىڭ ماڭىزىن اتاپ ءوتتى. بۇل وتە ماڭىزدى شارا. قازىر ەل اراسىندا جەمقورلىقتى جەڭۋ مۇمكىن ەمەس دەگەن تۇسىنىك قالىپتاسقان. ال شىندىعىنا كەلگەندە ونى جەڭۋگە بولادى. حالىقتى وسىعان سەندىرە الۋىمىز كەرەك»، - دەدى ول.
