استانادا 31- ناۋرىز كۇنى «قازاقستان ارۋى» انىقتالادى
ولاردىڭ بەينەتانىستىرىلىمدارى ۇيىمداستىرۋشىنىڭ YouTube ۆيدەوحوستينگىندەگى ارناسىنا جۇكتەلگەن، دەپ حابارلايدى «قازاقپارات» ح ا ا.
بۇعان دەيىن بايقاۋ ۇمىتكەرلەرىنىڭ رەسمي فوتوسەسسيالارى ۇيىمداستىرىلعان بولاتىن. ارۋلاردى فوتوعا الەمدىك ءسان جۋرنالدارىنىڭ مۇقاباسىنا سۋرەتتەرى شىعىپ جۇرگەن fashion سالاسىنىڭ مامانى مارەتا كەليگوۆا ءتۇسىردى. بيىل بايقاۋدا قىزداردىڭ تابيعي سۇلۋلىعىنا باسىمدىلىق بەرىلدى.
ەستەرىڭىزگە سالا كەتەيىك، فينالدا قازاقستاننىڭ ءار قالاسىنان كەلگەن 20 جەڭىمپازدان باسقا، ينستاگرام- كاستينگتەن سۇرىپتالعان 10 سۇلۋ قوسىمشا قاتىسادى. اقپاننىڭ باسىندا ۇيىمداستىرىلعان كاستينگكە 17-25 جاس ارالىعىنداعى كەز كەلگەن ق ر ازاماتشاسى قاتىسقان بولاتىن.
وتباسىلىق جاعدايلارىنا بايلانىستى بايقاۋعا «تەمىرتاۋ ارۋى»، « قىزىلوردا ارۋى» كەلە المادى، وقۋ جاعدايىن بايلانىستى «پەتروپاۆل ارۋى» بايقاۋدان باس تارتتى. ولاردىڭ ورنىن قالانىڭ ءبىرنشى ۆيتسە-ارۋلارى الماستىردى.
22- ناۋرىزدان باستاپ «قازاقستان ارۋى - 2018» رەسمي سايتىندا بايقاۋ فيناليستەرىنە داۋىس بەرۋ باستالعان.
