بيىل شەتەلدىكتەردەن بيۋدجەتكە 314 ميلليون تەڭگەگە جۋىق تۋريستىك جارنا ءتۇستى

تۋريستىك جارنا ءتۇسىمى بويىنشا كوش باسىندا الماتى قالاسى تۇر. وڭتۇستىك مەگاپوليسكە جالپى سومانىڭ % 86- ى نەمەسە 270,6 ميلليون تەڭگە تيەسىلى. ەكىنشى ورىندا 37,7 ميلليون تەڭگەدەن ارتىق تۋريستىك جارنا جيناعان استانا قالاسى.

تۋريستىك جارنا تولەۋ الەمدىك تاجىريبە ەكەنىن ەسكەرسەك، شەتەلدىكتەر ءۇشىن بۇل جاڭالىق ەمەس. تۋريستىك جارنا - حوستەل، جالعا بەرىلەتىن باسپانالاردان بولەك ورنالاسۋ ورىندارىندا بولعان ءاربىر تاۋلىك ءۇشىن تۋريستەردەن الىناتىن تولەم.

تۋريستىك جارنا مولشەرىن جەرگىلىكتى اكىمدىكتەر بەلگىلەيدى. قاراجات تا جەرگىلىكتى اتقارۋشى ورگانداردىڭ بيۋدجەتىنە تۇسەدى.

«تۋريستىك جارنادان تۇسكەن قاراجات تۋريستىك ينفراقۇرىلىمدى دامىتۋعا، اۋماقتاردى اباتتاندىرۋعا، تۋريستىك مۇمكىندىكتەردى ىلگەرىلەتۋ بويىنشا ءىس- شارالاردى ىسكە اسىرۋعا باعىتتالۋى كەرەك. بۇل وڭىرلەرگە كەلەتىن تۋريستەردىڭ سانىن ارتتىرۋعا ىنتالاندىراتىن بولادى»، - دەدى ق ر م س م تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى