ەلىمىزدە ءبىر اپتا ىشىندە 3146 قىلمىس تىركەلدى
بۇل تۋرالى ق ر ىشكى ىستەر ءمينيسترىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
«ءبىر اپتا ىشىندە 3146 قىلمىس تىركەلىپ، ونىڭ 2042 ى تاۋلىك ىشىندە ءىزى سۋىماي اشىلدى. پوليتسيا قىزمەتكەرلەرى ءىزىن سۋىتپاي 8 كىسى ءولتىرۋ، 8 ولىمگە اپارىپ سوقتىرعان قاساقانا دەنساۋلىققا زيان كەلتىرۋ قىلمىسىن اشتى. سونداي-اق، 2 قاراقشىلىق شابۋىل، 3 توناۋ، 437 بوتەن مۇلىكتى ۇرلاۋ قىلمىسى دا اشكەرە بولدى»، - دەيدى ق ر ءى ءى م رەسمي وكىلى نۇردىلدا وراز. سونداي- اق، ول «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ شەڭبەرىندە ىشكى ىستەر مينيسترلىگى 1-اقپاننان، پوليتسياعا حابارلاما قابىلداۋدىڭ جاڭا پروتسەسىن ىسكە قوسقانىن ايتتى.
«102» موبيلدى قوسىمشاسىنىڭ كومەگىمەن ەلدىڭ ءاربىر تۇرعىنى ىشكى ىستەر ورگاندارىنا ۆانداليزم، قوقىستاردى قوعامدىق ورىندارعا تاستاۋ، ەسىرتكى ساتۋ جانە تاعى باسقا جاسالعان قۇقىق بۇزۋشىلىق تۋرالى اقپاراتتى جىبەرە الادى. بۇل جۇيە ارقىلى ءسىز اپەللياتسيالىق شاعىم جىبەرە الاسىز. ول ءۇشىن وپەراتورعا اۋديو نەمەسە ۆيدەو قوڭىراۋ ارقىلى حابارلاسىڭىز. ال قوڭىراۋ شالۋشىنىڭ ورنالاسقان جەرى اۆتوماتتى تۇردە انىقتالادى، وپەراتور نە بولىپ جاتقانىن كورە الادى جانە توتەنشە جاعدايلاردى جويۋ شارالارىن قولدانا الادى»، - دەيدى ول.
