قازاقستان 30 دان استام مەملەكەتپەن ۆيزالىق رەجيمدى جەڭىلدەتۋ كەلىسسوزىن جالعاستىرىپ جاتىر
«قازىرگى ۋاقىتتا ەۋروپا، امەريكا، ازيا، افريكا مەن ت م د- نىڭ جالپى 32 ەلىمەن ۆيزالىق رەجيمدى جەڭىلدەتۋ تۋرالى كەلىسسوزدەر جۇرگىزىلىپ جاتىر. ءار ايماقتاعى جۇمىستىڭ ەرەكشەلىگى ايتارلىقتاي وزگەشە ەكەنىن ءتۇسىنۋ ماڭىزدى، سوندىقتان قۇجاتتاردى قابىلداۋ مەرزىمدەرىن بولجاۋ قيىن. الدا اۋقىمدى بىرلەسكەن جۇمىس كۇتىپ تۇر، ونىڭ ناتيجەسى قازاقستان سىرتقى ىستەر مينيسترلىگىنىڭ تۇراقتى بريفينگتەرى بارىسىندا رەسمي تۇردە جاريالانادى»، - دەلىنگەن سىرتقى ىستەر مينيسترلىگىنىڭ «قازاقپارات» اگەنتتىگىنە بەرگەن جاۋابىندا.
بۇدان بۇرىن حابارلانعانداي، قازاقستان ازاماتتارى ۇلتتىق تولقۇجاتپەن الەمنىڭ 29 مەملەكەتىنە ۆيزاسىز ساپارلاي الادى.
بيىل ماۋسىم ايىندا پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ مەن ليۋكسەمبۋرگ ۇلى گەرتسوگتىگىنىڭ سىرتقى جانە ەۋروپالىق ىستەر جونىندەگى ءمينيسترى جان اسسەلبورن ەكى ەل ازاماتتارى ءۇشىن ۆيزا رەجيمىن جەڭىلدەتۋ ماسەلەسىن تالقىلادى.
