تۇركىستان وبلىسىندا الاياققا سەنگەن تۇرعىندار 30 ميلليون تەڭگەسىنەن ايىرىلدى
ساۋران اۋداندىق پوليتسيا بولىمىنە الاياقتىڭ قۇربانى بولعان 40-تان استام اۋىل تۇرعىنى شاعىم ءتۇسىردى. ولاردىڭ ايتۋىنشا، تانىس ەر ادام مەملەكەتتەن قايتارىمسىز نەسيە الۋعا كومەكتەسەتىنىن ايتىپ، الدىن الا ءارقايسىسىنان 300 مىڭنان ەكى ميلليون تەڭگەگە جۋىق اقشالارىن العان. ودان كەيىن الاياق ءبىر جىل بويى تۇرعىندارعا بەرگەن ۋادەسىن ورىنداماي نە اقشاسىن قايتارماي ابىگەرگە سالعان.
اتالعان فاكتى ق ر ق ك- ءنىڭ 190-بابى (الاياقتىق) بويىنشا تىركەلدى. وسى جايتقا بايلانىستى الاياقتىق قىلمىسىن اشۋ ماقساتىندا تاجىريبەلى پوليتسەيلەردەن جەدەل- تەرگەۋ توبى قۇرىلدى. جەدەل- ىزدەستىرۋ ءىس- شارالارىنىڭ ناتيجەسىندە كۇدىكتىنىڭ جەكە باسى انىقتالىپ، پوليتسياعا جەتكىزىلدى. ول بۇرىن سوتتى بولعان جۇمىسسىز، تۇركىستان تۇرعىنى بولىپ شىقتى. تەرگەۋ بارىسىندا ۇستالعان ەر ادام الداۋ جولىمەن العان 30 ميلليون تەڭگەگە جۋىق قاراجاتتى ءوزىنىڭ قاجەتتىلىگىنە جاراتىپ جىبەرگەنىن مويىندادى. قازىر كۇدىكتى قاماۋعا الىنىپ، سوتقا دەيىنگى تەرگەپ- تەكسەرۋ امالدارى جۇرگىزىلىپ جاتىر.
