قىتايدا بالا تۋۋدى ارتتىرۋ ءۇشىن جاس جۇبايلارعا 30 كۇندىك اقىلى نەكە دەمالىسى ەنگىزىلدى
نەگىزىنەن قىتايداعى ەڭ تومەنگى اقىلى دەمالىس 3 كۇندى قۇرايدى. ءبىراق اقپان ايىنان باستاپ پروۆينسيالار نەكەدەن كەيىن دەمالىس بەرۋدىڭ ءوز ەرەجەلەرىن بەلگىلەي باستادى.
People's Daily Health باسىلىمىنىڭ حابارلاۋىنشا، سولتۇستىك-باتىس گانسۋ پروۆينسياسى مەن كومىر ءوندىرۋشى شانشي پروۆينسياسى قازىر ەڭ كوبى 30 كۇندىك اقىلى «نەكە دەمالىسىن» بەرەدى. ال شانحايدا 10 كۇن، سىچۋاندا ازىرگە 3 كۇن بەرىلۋدە.
وڭتۇستىك- باتىس قارجى جانە ەكونوميكا ۋنيۆەرسيتەتىنىڭ الەۋمەتتىك دامۋ زەرتتەۋ ينستيتۋتىنىڭ دەكانى يان حاياننىڭ سوزىنشە نەكە دەمالىسىن ۇزارتۋ تۋۋ كورسەتكىشىن ارتتىرۋدىڭ ءتيىمدى ءادىسى.
ول مۇنداي شارالاردى نەگىزىنەن ەكونوميكاسى سالىستىرمالى تۇردە باياۋ دامىعان كەيبىر پروۆينسيالار مەن قالالاردا ەنگىزۋ تۋرالى شەشىم قابىلدانعانىن ءتۇسىندىردى.
