شىعىس قازاقستاننىڭ تاۋلى جەرلەرىندە 30- جەلتوقسانعا دەيىن قار كوشكىنى ءجۇرۋ قاۋپى بار

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 27-30- جەلتوقسان ارالىعىندا وڭىردە قار كوشكىنى ءجۇرۋ قاۋپى بار.

«مەتەورولوگيالىق جاعدايدىڭ وزگەرۋىنە، ءجيى قار جاۋۋىنا جانە جەلدىڭ كۇشەيۋىنە بايلانىستى وبلىستىڭ تاۋلى جەرلەرىندە قار كوشكىنى ءتۇسۋى ىقتيمال. وسى رەتتە، تۇرعىندارعا بارىنشا اباي بولۋ، ەشبىر جاعدايدا تاۋعا شىقپاۋ قاجەتتىگىن ەسكەرتەمىز. ەگەر قانداي دا ءبىر قيىندىققا تاپ بولساڭىز، بىردەن 112 نومىرىنە قوڭىراۋ شالىڭىز»، - دەپ حابارلادى ۆەدومستۆو وكىلدەرى.

سونداي-اق، قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» موبيلدى قوسىمشاسى ارقىلى تەكسەرىپ وتىرۋعا كەڭەس بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى