قازاقستان-وزبەكستان ديپلوماتيالىق قاتىناسىنىڭ 30 جىلدىعىنا وراي ميرزيەيەۆ توقايەۆقا جەدەلحات جولدادى
وزبەكستان پرەزيدەنتى وسى كەزەڭدە ماڭىزدى ناتيجەلەرگە قول جەتكىزىلىپ، حالىقتارىمىز اراسىنداعى دوستىق بايلانىس نىعايا تۇسكەنىنە نازار اۋدارعان.
- سوڭعى جىلدارى ءبىزدىڭ بايلانىسىمىز ءوزارا سەنىم مەن قولداۋ، زور قۇرمەت جانە تاتۋ كورشىلىك قارىم-قاتىناس، سونداي-اق ستراتەگيالىق سەرىكتەستىك پەن وداقتاستىق قاعيداتتارىنا ساي قارقىندى دامىپ كەلەدى. جوعارى دەڭگەيدەگى اشىق، كونسترۋكتيۆتى ءارى بەلسەندى ديالوگ، سونداي-اق مەملەكەتارالىق جانە ۇكىمەتارالىق قارىم-قاتىناستاردى رەتتەيتىن ءتيىمدى پراكتيكالىق مەحانيزمدەر ءبىزدىڭ ءوزارا ىنتىماقتاستىعىمىزدى نىعايتۋعا بەرىك نەگىز بولاتىنىن اتاپ وتكىم كەلەدى، - دەپ جازىلعان قۇتتىقتاۋ جەدەلحاتىندا.
سونىمەن قاتار وزبەكستان پرەزيدەنتى شاۆكات ميرزيەيەۆ 21-23- قاراشا كۇندەرى ءوتىپ جاتقان وزبەكستاننىڭ قازاقستانداعى مادەنيەت كۇندەرى تاريحى ورتاق باۋىرلاس حالىقتاردىڭ دوستىق بايلانىسىن كۇشەيتە تۇسەتىنىن ايتا كەلىپ، بىرلەسكەن شارالار ەكى ەلدىڭ كوپجاقتى قارىم-قاتىناسىن جاڭا دەڭگەيگە كوتەرەتىنىنە سەنىم ءبىلدىردى.
