زاڭسىز جۇرگەن 30 شەتەلدىك ەلدەن شىعارىلدى
وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا قاراعاندا، شەتەلدىكتەردىڭ كوشى-قون زاڭناماسىن بۇزعان.
«وبلىس اۋماعىندا زاڭسىز كوشى-قون ارنالارىن انىقتاۋ، شەتەلدىكتەردى زاڭسىش جۇمىسقا ورنالاستىرۋ دەرەكتەرىن انىقتاۋ ماقساتىندا «ميگرانت» جەدەل-الدىن الۋ ءىس-شاراسى وتكىزىلدى. ءىس-شارا كەزىندە كوشى-قون زاڭناماسىن بۇزعانى ءۇشىن شەتەلدىك 30 ازامات اكىمشىلىك جاۋاپكەرشىلىككە تارتىلدى. اتىراۋ قالاسىنىڭ اۋدانارالىق مامانداندىرىلعان اكىمشىلىك سوتى شەتەلدىكتەردى ەل اۋماعىنان تىسقارى شىعارۋعا شەشىم قابىلدادى. قازاقستان رەسپۋبليكاسىنداعى كونسۋلدىق قىزمەتىنىڭ كۇشىمەن 22 ازاماتقا «ءوز ەلىنە قايتارۋ كۋالىگى» راسىمدەلىپ، ولار شەكاراعا دەيىن ارنايى ۇيىمداستىرىلعان اۆتوبۋستارمەن جەتكىزىلدى. انىقتالعانداي شەتەلدىكتەر اتىراۋ قالاسىنا 2008 -جىلدارى ەشقانداي قۇجاتسىز قونىس اۋدارىپ، تۇرعىلىقتى مەكەن-جايى جوق ازاماتتار قاتارىنا قوسىلعان. ولاردىڭ قايىرشىلىقپەن اينالىسقانى بەلگىلى بولدى»، - دەيدى كوشى-قون قىزمەتى باسقارماسى باستىعىنىڭ مىندەتىن اتقارۋشى، پوليتسيا پولكوۆنيگى ءادىلجان جانشين.
تاجىريبە كورسەتكەندەي، زاڭسىز جۇرگەن كەلىمسەكتەر كوبىنەسە قىلمىستىق قول سۇعۋشىلىقتىڭ نىسانىنا اينالادى. كەيدە ولاردىڭ وزدەرى قىلمىس جاسايدى.
