الماتى وبلىسىنىڭ اكىمى 30 جىل ىشىندەگى ءوڭىر جەتىستىكتەرى تۋرالى ايتتى

«بيىل بارشا قازاقستاندىقتار ءۇشىن ايرىقشا جىل ەلىمىزدىڭ تاۋەلسىزدىگىنە 30 جىل تولادى. وسى كۇنگە الماتى وبلىسى جاقسى ناتيجەلەرمەن جەتتى. ماسەلەن، جالپى وڭىرلىك ءونىم كولەمى 35 ميلليون تەڭگەدەن 3,7 تريلليون تەڭگەگە دەيىن ۇلعايدى. ونەركاسىپ ءونىمىن شىعارۋ 9,5 ميلليون تەڭگەدەن 1 تريلليون 200 ميلليارد تەڭگەگە دەيىن ءوستى، ال اۋىل شارۋاشىلىعىنىڭ جالپى ءونىمى بيىل 1 تريلليون تەڭگەدەن اسادى»، - دەدى ا. باتالوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، 30 جىل ىشىندە 14,5 ميلليون شارشى مەتر تۇرعىن ءۇي پايدالانۋعا بەرىلدى.

بيۋجەتكە تۇسىمدەر 1997-جىلعى 11 ميلليارد تەڭگەدەن 742 ميلليارد تەڭگەگە دەيىن ءوستى. 30 جىلدا وبلىس ەكونوميكاسىنا 6,5 تريلليون تەڭگە ينۆەستيتسيا سالىندى. سونىمەن قاتار ول بيىلعى 10 ايدىڭ قورىتىندىسى بويىنشا ەكونوميكانىڭ بارلىق سالاسىندا تۇراقتى ءوسىم بولعانىن ايتتى.

«جىل سوڭىنا قاراي ونەركاسىپ ءونىمىنىڭ كولەمى 1 تريلليون 300 ميلليارد تەڭگەدەن اسادى. شيكىزاتتىق ەمەس ەكسپورت 6 پايىزعا ءوسىپ، 392 ميلليون ا ق ش دوللارىنا جەتەدى»، - دەدى اكىم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى