قازگيدرومەت: 30-قازاننىڭ كۇن رايى بولجامى
كاسىپورىننىڭ بولجامىنا قاراعاندا، فرونتالدى بولىكتەردىڭ اسەرىنەن رەسپۋبليكانىڭ باسىم بولىگىندە كۇن رايى تۇراقسىز بولادى.
جاۋىن- شاشىن (جاڭبىر، قار) بولادى، ەلدىڭ شىعىس جانە وڭتۇستىك ايماقتارى عانا جوعارى قىسىم ىقپالىندا بولادى، سوندىقتان كۇن جاۋىن- شاشىنسىز بولادى. رەسپۋبليكانىڭ باسىم بولىگىندە تۇمان، سولتۇستىگىندە بۇرقاسىن، سولتۇستىكتە، سولتۇستىك- باتىستا جانە وڭتۇستىك- شىعىس بولىگىنىڭ تاۋلى اۋداندارىندا جەل كۇشەيەدى، سولتۇستىك- شىعىستا كوكتايعاق بولادى.
سولتۇستىك قازاقستان وبلىسىندا، تۇندە شىعىسىندا 15-20 م/س، كۇندىز باسىم بولىگىندە 15-20 م/س، باتىستا ەكپىنى 25 م/س جەل كۇشەيىپ، تۇندە وڭتۇستىكتە، شىعىستا، كۇندىز سولتۇستىكتە، باتىستا كوكتايعاق، بۇرقاسىن بولادى.
اقمولا وبلىسىنىڭ سولتۇستىك- شىعىسىندا جەل 15-20 م/س جىلدامدىقپەن سوعادى، جاياۋ بۇرقاسىن، كوكتايعاق بولادى، تۇندە جانە تاڭەرتەڭ وبلىستىڭ باتىسىندا تۇمان تۇسەدى. پاۆلودار وبلىسىنىڭ سولتۇستىگىندە كوكتايعاق بولىپ، تۇندە سولتۇستىك- باتىسىندا جەل 15-20 م/س جىلدامدىقپەن سوعادى. قوستاناي وبلىسىنىڭ سولتۇستىگىندە جەلدىڭ جىلدامدىعى سەكۋندىنا 15-20 م/س- قا دەيىن كۇشەيەدى. تاڭەرتەڭ جانە كۇندىز ءوڭىردىڭ باتىسىندا تۇمان تۇسەدى.
جامبىل وبلىسىنىڭ تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە جەتىپ، تۇندە تۇمان تۇسەدى.
باتىس قازاقستان، اتىراۋ، ماڭعىستاۋ، اقتوبە وبلىستارىندا تۇندە جانە تاڭەرتەڭ باتىسىندا، سولتۇستىگىندە، ورتالىعىندا، سولتۇستىك- باتىسىندا تۇمان تۇسەدى.
تۇندە شىعىس قازاقستان وبلىسىنىڭ سولتۇستىك- شىعىسىندا تۇمان تۇسەدى. تۇندە جانە تاڭەرتەڭ الماتى، تۇركىستان وبلىستارىنىڭ تاۋلى اۋداندارىندا تۇمان، الماتى وبلىسىنىڭ تاۋلارىندا كوكتايعاق كۇتىلەدى.
