الماتىدا كۇن 30 گرادۋسقا دەيىن ىسيدى

سينوپتيكتەردىڭ بولجامى بويىنشا، وڭتۇستىك استانادا كۇزدىڭ العاشقى ايى جىلى بولادى.

«14-15- قىركۇيەكتە الماتىدا كوشپەلى بۇلت شىعادى، جاڭبىر جاۋمايدى. اۋا تەمپەراتۋراسى تۇندە 13-17، كۇندىز 26-30 گرادۋس جىلى بولادى. 16- قىركۇيەك كۇنى كوشپەلى بۇلت شىعادى، كۇندىز جاڭبىر جاۋادى، نايزاعاي وينايدى. اۋا تەمپەراتۋراسى تۇندە 16-18، كۇندىز 26-28 گرادۋس جىلى بولادى»، - دەپ حابارلادى «قازگيدرومەت» ر م ك.

كاسىپورىن تاراتقان مالىمەتتەرگە قاراعاندا، قازاقستاننىڭ سولتۇستىك بولىگىندە كۇن سالقىنداپ، جاڭبىر جاۋادى.

«اتموسفەرالىق فرونتالدى بولىكتەردىڭ اسەرىنەن ق ر شىعىسىندا، سولتۇستىك-باتىسىندا، وڭتۇستىك-باتىسىندا، سونداي-اق وڭتۇستىك-شىعىستىڭ تاۋلى اۋداندارىندا جاڭبىر جاۋادى، نايزاعاي وينايدى. تۇندە جانە تاڭەرتەڭ سولتۇستىك-باتىس جانە ورتالىق ايماقتاردا تۇمان تۇسەدى. سولتۇستىكتە، كۇندىز ەلىمىزدىڭ وڭتۇستىگىندەگى تاۋلى ايماقتاردا جەل 15-20 م/س جىلدامدىقپەن سوعادى»، - دەپ اتاپ ءوتتى سينوپتيكتەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى