وسى جىلدىڭ سوڭىنا دەيىن 30 عا جۋىق انىقتاما ءتۇرى جويىلادى

بۇل تۋرالى ۇكىمەت وتىرىسىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.

«جىلدىڭ سوڭىنا دەيىن 30 عا جۋىق انىقتاما ءتۇرىن بەرۋدى الىپ تاستاۋ جوسپارلانۋدا. ازامات قاجەت ەتەتىن مالىمەتتەرمەن تىكەلەي تەلەفونى ارقىلى انىقتاما سۇراتپاي-اق بولىسە الادى. QR- كودتى كورسەتىپ، الدە مەسسەندجەر ارقىلى ۇسىناتىن بولادى»، - دەدى ول.

ءمينيستردىڭ ايتۋىنشا، ونلاين قىزمەتتەر ءارقاشان دا قولجەتىمدى بولۋى ءتيىس.

«بۇگىنگى تاڭدا egov -تا قىزمەت كورسەتۋدى قامتاماسىز ەتەتىن 500 دەن استام اقپاراتتىق جۇيە مەن 1500 دەن استام ينتەگراتسيا جۇمىس ىستەيدى. ياعني، egov - بۇل تەك بەت جاعى، ءبىرىڭعاي تەرەزە سياقتى. مەملەكەتتىك ورگانداردىڭ اقپاراتتىق جۇيەلەرىنىڭ جۇمىس ىستەۋ قابىلەتتىگىن 99,9 پايىزعا دەيىن كوتەرۋ قاجەت»، - دەدى باعدات مۋسين.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى