الماتىدا گرۋزيا ازاماتى زاڭسىز ويىن بيزنەسىن ۇيىمداستىرىپ، 30 ميلليون تەڭگە تابىس تاپقان
بۇل جونىندە قارجى مونيتورينگى كوميتەتىنە سىلتەمە جاساپ قازاقپارات حابارلايدى. زاڭسىز ويىنحانانى قىزمەتكەرلەر جەدەل- تەرگەۋ شاراسى بارىسىندا كالا شەتىنەن انىقتادى. تەرگەۋ اياسىندا قالا تۇرعىنىنىڭ گرۋزيا ەلىنىڭ تۋماسى ەكەندىگى، قازاقستاندا تۇرۋعا ىقتيارحاتى بار ەكەنى بەلگىلى بولدى. ول اسا ءىرى كولەمدە - 29,6 ميلليون تەڭگەدەن استام سومادا تابىس اكەلگەن استىرتىن بيزنەس - ەلەكتروندى كازينو جۇمىسىن جۇرگىزىپ كەلگەن. ءۇي- جايدى تەكسەرۋ بارىسىندا دەپارتامەنت قىزمەتكەرلەرى 7 ويىن تەرمينالىن، تىيىم سالىنعان بيزنەس ءتۇرىن ۇيىمداستىرۋعا مۇمكىندىك بەرەتىن، اتاپ ايتقاندا، ستاۆكا قابىلداۋعا، ۇتىستى ەسەپتەۋ مەن بەرۋگە قولداۋ كورسەتەتىن ونلاين ويىننىڭ 39 كومپيۋتەرلىك تەحنيكا قوسىمشالارىن تاركىلەدى. سوت ۇكىمىمەن ايىپتالۋشى ق ر ق ك 307-بابىنىڭ 3- ءبولىمى، 2-تارماقشاسىنا سايكەس كىنالى دەپ تانىلىپ، وعان 4 جىلعا باس بوستاندىعىنان ايىرۋ جازاسى تاعايىندالدى.
