ەلىمىزدە دەكلاراتسيا تاپسىرۋ مەرزىمى 30 كۇنگە ۇزارتىلادى

«ەلىمىزدە توتەنشە جاعدايدىڭ ەنگىزىلۋىنە بايلانىستى زاڭدى جانە جەكە تۇلعالارعا دەكلاراتسيا تاپسىرۋ مەرزىمى توتەنشە جاعدايدىڭ ۋاقىتىنا سايكەس كەلگەندىكتەن، ول 30 كۇنتىزبەلىك كۇنگە، ياعني 2020-جىلدىڭ 30- ساۋىرىنە دەيىن ۇزارتىلادى»، دەلىنگەن حابارلامادا.

الايدا، سالىق ەسەپتىلىگى نىساندارىن ەلەكتروندى تۇردە تاپسىرۋ قاجەت.

«وسىلايشا، 2020-جىلدىڭ 30- ساۋىرىنە دەيىن تاپسىرىلعان ەلەكتروندى دەكلاراتسيالار ۋاقىتىندا تابىس ەتىلگەن بولىپ سانالادى. بۇل ۇزارتۋلار 2019-جىلدىڭ 100.00، 110.00، 150.00، 180.00، 220.00، 230.00، 240.00، 700.00، 860.00، 870.00، 871.00، 912.00، 920.00 نىساندارىنا قاتىستى قولدانىلادى»، دەلىنگەن حابارلامادا.

كوميتەتتىڭ مالىمەتىنشە، مەرزىمنىڭ ۇزارتۋىنا قاتىستى سالىق تولەۋشىگە قانداي دا ءبىر قوسىمشا ءوتىنىش پەن حابارلاما جولداۋدىڭ قاجەتى جوق. سونداي-اق. 1- ءساۋىر مەن 30- ءساۋىر ارالىعىندا تاپسىرىلعان نىساندار بويىنشا اكىمشىلىك جاۋاپكەرشىلىككە تارتۋ ماسەلەسى قاراستىرىلمايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى