قازاقپارات كۇنتىزبەسى: 30- جەلتوقسان
30- جەلتوقسان. دۇيسەنبى
ەستە قالار وقيعالار
1995-جىلى قاراعاندى وبلىسىنىڭ ەگىندىبۇلاق اۋىلىندا قازىبەك بيگە ەسكەرتكىش ورناتىلدى.
1998-جىل قازاقستان حالىقتارىنىڭ بىرلىگىن نىعايتىپ، وسكەلەڭ ۇرپاقتىڭ ءبىر-بىرىمەن بايلانىسىن نىعايتۋ ماقساتىندا 1999-جىل «ۇرپاقتار بىرلىگى مەن ساباقتاستىعى جىلى» دەپ جاريالاندى.
1999-جىلى اقمولا وبلىسىنىڭ اتباسار قالاسىندا جازۋشى ءىلياس ەسەنبەرليننىڭ مۇراجاي-ءۇيى اشىلىپ، قالامگەر تۇرعان ۇيگە ەسكەرتكىش تاقتا ورناتىلدى.
2005-جىلى مەملەكەت باسشىسى نۇرسۇلتان نازاربايەۆ «قازاقستان رەسپۋبليكاسىنداعى ەڭبەك تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» زاڭعا قول قويدى. وسى زاڭعا سايكەس، مۇسىلمان كۇنتىزبەسى بويىنشا اتالىپ وتەتىن قۇربان ايتتىڭ العاشقى كۇنى جانە پراۆوسلاۆيەنىڭ روجدەستۆو مەرەكەسى دەمالىس كۇندەرى بولىپ بەكىتىلدى.
2011-جىلى د. قونايەۆتىڭ 100 جىلدىعىنا ارنالعان فوتوالبوم جارىققا شىقتى. فوتوالبوم وتباسىلىق مۇراعاتتان ماتەريالداردان پايدالانعان ەكسكليۋزيۆتى باسىلىم بولدى.
2011-جىلى استانا قالاسىنىڭ تۋريزم، دەنە شىنىقتىرۋ جانە سپورت باسقارماسى ەۋروپالىق ساپا مەنەدجمەنتى قورىنىڭ (EFQM) « مىنسىزدىكتى مويىنداۋ» سەرتيفيكاتىنا يە بولدى. ول ەلوردالىقتارعا ەۋروپادا تارالعان قالالىق تۋريزم جانە سپورت باسقارمالارىنىڭ ساپا ستاندارتىنا سايكەستىگى ءۇشىن بەرىلدى.
2013-جىلى بەيجىڭدە قازاقستان رەسپۋبليكاسىنىڭ قىتايداعى ەلشىسى نۇرلان ەرمەكبايەۆ قازاقستان رەسپۋبليكاسىنىڭ حوشيمين قالاسىنداعى (ۆەتنام) قۇرمەتتى كونسۋلى نگۋەن تحان حۋنگكە كونسۋلدىق پاتەنتتى تابىستادى. قۇرمەتتى كونسۋل قازاقستاننىڭ ۆەتنامداعى مۇددەسىن قورعاپ، كونسۋلدىق ايماقتا قازاقستان رەسپۋبليكاسىنىڭ زاڭدى جانە جەكە تۇلعالارىنىڭ مۇددەلەرى مەن قۇقىقتارىنىڭ ساقتالۋىن قامتاماسىز ەتۋگە مىندەتتى.
2013-جىلى اقتوبەدە دراما تەاترىنىڭ ساياباعىندا قازاق ادەبيەتىنىڭ كلاسسيگى – ق ر حالىق جازۋشىسى، دراماتۋرگ تاحاۋي احتانوۆقا، حالىق اقىنى، دراماتۋرگ قۋاندىق شاڭعىتبايەۆقا سالتاناتتى تۇردە ەسكەرتكىش اشىلدى.
قولا ەسكەرتكىش ەكى فيگۋرانى بىرىكتىردى. دراماتۋرگ تاحاۋي احتانوۆ ورىندىقتا وتىرسا، ونىڭ قاسىندا دوسى، جەرلەسى، اقىن قۋاندىق شاڭعىتبايەۆ بەينەلەندى. ەسكەرتكىشتىڭ بيىكتىگى - 6,5 مەتر. اۆتورى - جاس بولسا دا، كاسىبي ورتادا تانىلعان ءمۇسىنشى جەڭىس جۇبانقوسوۆ.
2015-جىلى «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمىنا زەرتتەۋ ۋنيۆەرسيتەتى مارتەبەسى بەرىلىپ، ونىڭ دامۋ باعدارلاماسى بەكىتىلدى.
2017-جىلى وليمپيادا چەمپيونى، الەمدىك ەڭ بەدەلدى جارىستاردىڭ بىرنەشە دۇركىن جەڭىمپازى مەن جۇلدەگەرى الەكساندر ۆينوكۋروۆ نەگىزىن قالاعان «Vino» برەندىنىڭ كاسىبي سپورتتىق ۆەلوسيپەدى حالىقارالىق ۆەلوسيپەدشىلەر وداعىنىڭ (UCI) اككرەديتاتسياسىن الدى.
2018-جىلى مالايزيا استاناسى كۋالا لۋمپۋردە وتكەن مەنتالدى اريفمەتيكا بويىنشا XXIII بۇكىل الەمدىك جارىستا قازاقستاندىق «ەسەپتەۋىش- بالالار» 37 مەدال جەڭىپ الدى. چەمپيوناتقا الەمنىڭ 80 ەلىنەن 5000 عا جۋىق «ەسەپتەۋىش- بالا» قاتىستى.
