قازاقستاندا تولەم كارتوچكالارىنىڭ سانى 30 ميلليوننان استى

بۇل جونىندە ۇلتتىق بانكتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

سوڭعى جىلدارى اينالىستاعى تولەم كارتوچكالارىنىڭ سانى جانە تيىسىنشە قولما-قول اقشاسىز وپەراتسيالار كولەمى جوعارى قارقىنمەن وسۋدە. 2019-جىلعى 1- قازانداعى جاعداي بويىنشا، ەميسسيالانعان جانە تاراتىلعان تولەم كارتوچكالارىنىڭ سانى - 30,6 ميلليون بولدى، بۇل 2019-جىلعى وسى كەزەڭدەگى كورسەتكىشتەن %43 عا ارتىق.

«2019-جىلعى 9 ايدا وتكەن جىلدىڭ وسىنداي كەزەڭىمەن سالىستىرعاندا تولەم كارتوچكالارىن پايدالانا وتىرىپ قولما-قول اقشاسىز تولەم جانە اقشا اۋدارىمدارىنىڭ جالپى كولەمى ەكى ەسەدەن اسا ۇلعايىپ، 8,9 تريلليون تەڭگەنى قۇرادى»، - دەپ حابارلادى تولەم جۇيەلەرى دەپارتامەنتىنىڭ ديرەكتورى ەرلان اشىقبەكوۆ.

قولما-قول اقشاسىز ترانزاكتسيالاردىڭ نەگىزگى ۇلەسى بانكتەردىڭ ونلاين سەرۆيستەرى ارقىلى جۇرگىزىلدى. بۇگىنگى كۇنى ونلاين سەرۆيستەردە 18 ميلليونعا جۋىق پايدالانۋشى تىركەلدى، ونىڭ ىشىندە %34 وپەراتسيالاردى تۇراقتى تۇردە جۇرگىزەدى.

كۇن سايىن ونلاين سەرۆيستەر ارقىلى 21 ميلليارد تەڭگەدەن استام سوماعا 1,3 ميلليوننان استام وپەراتسيا جۇرگىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى