قازاقستانداعى حالىقتىڭ 30 پايىزى شىلىم شەگەدى
رەستوراتورلاردىڭ حابارلاۋىنشا، قازىرگى ۋاقىتتا ەلىمىزدە «ۇلت دەنساۋلىعى تۋرالى» كودەكسكە ەنگىزىلەتىن وزگەرىستەر قارالۋدا. قاۋىمداستىق وسى كودەكستە ءبىر توپ ازاماتتاردىڭ قۇقىعىن شەكتەيتىن، شوب- تىڭ ءىسىن قيىنداتاتىن ءبىرقاتار شارالار بارىن العا تارتادى.
«رەسەيدە وسىدان بىرنەشە جىل بۇرىن قوعامدىق ورىندار مەن اۋەجايلاردا جاپپاي شىلىم شەگۋگە تىيىم سالىنعان ەدى. مۇنىڭ ءبارى ماسەلەنى شەشكەن جوق. اقىرى، ونداعى مەملەكەتتىك دۋما دەپۋتاتتارى مەن قوعامدىق ۇيىمدار رەسەيدە ەنگىزىلگەن وسى وزگەرىستەردى الىپ تاستاۋ ماسەلەسىن قايتا قاراستىرىپ جاتىر. ءبىزدىڭ قاۋىمداستىقتىڭ شىلىم شەگۋ ءۇشىن ارنايى ورىن بولۋگە تىيىم سالۋ ماسەلەسىنە قاتىستى ناقتى قاعيداتى بار - بۇل وزگەرىستەر قازاقستانداعى شىلىم شەگۋشىلەردىڭ قۇقىعىن بۇزىپ وتىر» ، - دەيدى قازاقستان رەستوراتورلارى ۇلتتىق قاۋىمداستىعىنىڭ پرەزيدەنتى يگور كوپايلوۆ ەلوردادا وتكەن باسپا ءسوز ءماسليحاتىندا.
يگور كوپايلوۆتىڭ ايتۋىنا قاراعاندا، قازاقستانداعى حالىقتىڭ 30 پايىزى تەمەكى شەگەدى.
«ءوزىم تەمەكى شەكپەيمىن دە، جانىمدا بىرەۋ شەگىپ تۇرسا - ۇناتپايمىن. دەسە دە، ازاماتتاردىڭ وسى ساناتىنىڭ قۇقىعى مەن قاجەتتىلىگىن قۇرمەتتەۋ كەرەك. وسىعان بايلانىستى 2014 -جىلى «ۇلت دەنساۋلىعى تۋرالى» زاڭعا وزگەرىستەر ەنگىزۋ باستاماسىن كوتەرگەن بولاتىنبىز. ول زاڭ ارنايى شىلىم شەگۋگە ارنالعان ورىن، دەمالۋ ورىندارىندا ارنايى شىلىم شەگۋ كابينالارىن ورناتۋ ماسەلەسىن رەتتەيدى. زاڭ ءساتتى قابىلدانىپ، پارلامەنت مۇشەلەرى ماقۇلداپ، ارنايى كابينالاردىڭ بولۋى - ءبارىنىڭ دە قۇقىعىنا قايشى كەلمەيتىنىن ايتقان بولاتىن. وسىمەن ماسەلە شەشىلگەندەي بولعان ەدى»، - دەيدى ول.
قاۋىمداستىق باسشىسى قازىرگى ۋاقىتتا قوعامدا وسى ماسەلە قايتا كوتەرىلىپ وتىرعانىن ايتادى.
«ويلاپ قاراڭىز، قىستا 40 گرادۋس سۋىقتا كەڭسەدە قىزمەت ەتەتىن قىزمەتشى قايتا- قايتا سىرتقا شىعىپ، شىلىم شەگۋى كەرەك پە؟ ال الگى قىزمەتشى 40- قاباتتا جۇمىس ىستەسە قايتەمىز - ول ءسات سايىن تومەنگە ءتۇسۋى ءتيىس پە؟ ولاي بولسا، الگى ازاماتتىڭ دەنساۋلىعىنا دا اقاۋ كەلۋى مۇمكىن. سول سەبەپتى، بۇل شارا بىزگە وتە تۇسىنىكسىز»، - دەيدى يگور كوپايلوۆ.
اۆتور: ايان بەكەن ۇلى
