قازاقستاندا الەۋمەتتىك تولەمدەر 30 پايىزعا دەيىن كوبەيۋى مۇمكىن
بۇل تولەمدەر 30 پايىزعا دەيىن كوبەيۋى مۇمكىن دەپ حابارلايدى «حابار 2-4».
بۇگىن وسىنداي وزگەرىستەر ەنگىزىلگەن «مىندەتتى الەۋمەتتىك ساقتاندىرۋ تۋرالى» زاڭ جوباسىن ەڭبەك جانە حالىقتى الەۋمەتتىك قورعاۋ ۆيتسە-ءمينيسترى تانىستىردى.
ايتا كەتەيىك، قازىرگى ۋاقىتتا ساقتاندىرۋ قورىنان مۇنداي الەۋمەتتىك كومەكتى 124 مىڭ قازاقستاندىق الادى. جۇمىس بەرۋشىلەر ءار قىزمەتكەر ءۇشىن وسى قورعا جالاقىنىڭ 3 جارىم پروتسەنتىن تولەپ كەلەدى، 2025-جىلى بۇل كورسەتكىش 5 پروتسەنتكە ارتپاق.
«مىسالى، جۇمىستان ايىرىلعان ازاماتتاردىڭ جالاقىسى قازىر 100 مىڭ تەڭگە بولسا، قازىر الاتىن جاردەماقى 18 مىڭ تەڭگە. زاڭ كۇشىنە ەنسە، وسى ازاماتتاردىڭ قوردان الاتىن اقشاسى كوبەيەدى. 23 مىڭ تەڭگە. ەگەر 5 جىلدان ارتىق جۇمىس ىستەسەڭىز، جالاقىڭىز 100 مىڭنان اسسا، وندا وسى سوما كوبەيەدى»، - دەدى پارلامەنت ءماجىلىسىنىڭ دەپۋتاتى سنەجاننا يماشيەۆا.
ال ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اتالمىش زاڭ جوباسىمەن الەۋمەتتىك تولەمدەردىڭ قاراستىرىلىپ وتىرعانىن ايتتى.
«اسىراۋشىدان ايىرىلعان جاعدايدا، ەڭبەك ەتۋ قابىلەتىنەن ايىرىلعان كەزىندە جانە جۇمىسىنان ايىرىلعاندا. وسى ءۇش قاتەردەن تولەمدەر 30 پايىزعا ارتادى.
زاڭ جوباسى ماجىلىسكە ەندى كىرىپ وتىر. ەگەر ءماجىلىس ماقۇلداپ، سەناتتان ءوتىپ، ەلباسى قول قويسا، جوبا بويىنشا 2020-جىلدىڭ ءبىرىنشى قاڭتارىنان باستاپ جۇزەگە اسىرىلادى»، - دەدى سۆەتلانا جاقىپوۆا.
