قازگيدرومەت: 30-قاڭتار كۇنگى اۋا رايى بولجامى

كاسىپورىن تاراتقان مالىمەتتەرگە قاراعاندا، قازاقستاننىڭ باسىم بولىگىندە قاڭتاردىڭ 30-كۇنى تسيكلون مەن اتموسفەرالىق اعىنداردىڭ وتۋىنە بايلانىستى جاۋىن بولىپ، ەلدىڭ وڭتۇستىگىندە جاڭبىر مول مولشەردە جاۋادى.

رەسپۋبليكانىڭ باسىم وڭىرلەرىندە تۇمان ءتۇسىپ، كوكتايعاق بولادى، جاياۋ بۇرعاسىن سوعىپ، جەل كۇشەيەدى.

الماتى وبلىسىنىڭ كەي جەرلەرىندە تۇمان ءتۇسىپ، جەل سەكۋندىنا 15-20 مەترگە دەيىن كۇشەيەدى. الاكول اۋدانى اۋماعىندا جەلدىڭ جىلدامدىعى 20-25 مەترگە، ەكپىنى 30 مەترگە جەتەدى جانە ودان دا كۇشتى بولۋى ىقتيمال.

جامبىل، قىزىلوردا وبلىستارىنىڭ ءبىرقاتار اۋماقتارىندا تۇمان ءتۇسىپ، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى، ەكپىنى 23-28 مەترگە دەيىن بارۋى ىقتيمال.

تۇركىستان وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، ءبىرقاتار جەرلەرىندە جەلدىڭ جىلدامدىعى سەكۋندىنا 17-22 مەترگە جەتەدى. كۇندىز جانە تۇندە جەلدىڭ ەكپىنى سەكۋندىنا 27 مەتر بولادى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن بولىپ، تۇندە جانە تاڭ اتا ءبىرقاتار اۋماقتارىندا جەل سەكۋندىنا 15-20 مەترگە دەيىن كۇشەيىپ، كۇندىز ونىڭ ەكپىنى 25 مەترگە جەتەدى.

ماڭعىستاۋ وبلىسىنىڭ كەي جەرلەرىندە تۇمان ءتۇسىپ، تۇندە ءبىرقاتار اۋماقتاردا جەلدىڭ كۇشى سەكۋندىنا 15-20 مەترگە جەتەدى.

اتىراۋ، باتىس قازاقستان وبلىستارىنىڭ ءبىرقاتار اۋماقتارىندا تۇندە تۇمان ءتۇسىپ، كوكتايعاق بولادى.

اقمولا، قوستاناي، وبلىستارىندا جەل 15-20 مەتر جىلدامدىقپەن ۇيتقيدى. قوستاناي وبلىسىندا بوران بولادى.

اقتوبە وبلىسىندا جەل سەكۋندىنا 15-20 مەترگە دەيىن كۇشەيىپ، كەي جەرلەردە جاياۋ بۇرقاسىن بولادى.

سولتۇستىك قازاقستان وبلىسىندا جايا بۇرقاسىن بولىپ، تۇمان تۇسەدى، كۇندىز كەي جەرلەردە جەلدىڭ جىلدامدىعى 15-20 مەترگە جەتەدى.

قاراعاندى وبلىسىندا تۇمان ءتۇسىپ، كۇندىز جەل سەكۋندىنا 15-20 مەتر جىلدامدىقپەن سوعادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى