قازاقستاندا 30 -ناۋرىزدا وتەتىن ماڭىزدى وقيعالارعا شولۋ
استانا
8.00-دە ق ر پرەمەر-ءمينيسترى - اۋىل شارۋاشىلىق ءمينيسترى ءومىرزاق شوكەيەۆتىڭ اقمولا وبلىسىنا جۇمىس ساپارى باستالادى.
9.40-تا ب ۇ ۇ- نىڭ ازاپتاۋلارعا جانە باسقا دا قاتىگەز، ادامگەرشىلىككە جاتپايتىن نەمەسە ار- نامىستى قورلايتىن ءىس- ارەكەتتەر مەن جازالاۋ تۇرلەرىنە قارسى كونۆەنسياسىن جۇزەگە اسىرۋ ماقساتىندا قازاقستان رەسپۋبليكاسى قابىلداعان شارالار تۋرالى ءتورتىنشى مەرزىمدى باياندامانىڭ جوباسىن تالقىلاۋعا قاتىستى قوعامدىق قابىلداۋ وتەدى.
10.00-دە ۇلتتىق ونكولوگيا جانە ترانسپلانتولوگيا عىلىمي ورتالىعىندا ەۋروپانىڭ جەتەكشى ۋرولوگتارىنىڭ قاتىسۋىمەن ۋرولوگياداعى حالىقارالىق ءتارتىپارالىق كەڭەس ءوز جۇمىسىن باستايدى.
11.00-دە «RamadaPlaza» قوناقۇيىندە قازاقستان رەسپۋبليكاسى ينۆەستيسيالار مەن دامۋ ءمينيسترى جەڭىس قاسىمبەكتىڭ قاتىسۋىمەن گەولوگتار كۇنىنە وراي سالتاناتتى جيىن وتەدى.
سونداي- اق 11.00-دە ق ر س ءى م- دە قازاقستاننىڭ موڭعولياداعى ەلشىسى قالىبەك قوبلانديننىڭ قاتىسۋىمەن بريفينگ وتەدى.
11.00-دە ل. ن. گۋميلەۆ اتىنداعى ەۆرازيا ۇلتتىق ۋنيۆەرسيتەتىندە ەلباسى ن. نازاربايەۆتىڭ «بەس الەۋمەتتىك باستاماسى» ۇندەۋىن جانە مەملەكەتتىك ساياسات پەن ءدىني قارىم قاتىناس سالاسىن ستۋدەنتتىك جاستارعا ءتۇسىندىرۋ جانە تالقىلاۋ بويىنشا جيىن وتەدى.
11.00-دە ورتالىق كوممۋنيكاتسيالار قىزمەتىندە «سيفرلاندىرۋ اياسىندا مەملەكەتتىك ساتىپ الۋ» تاقىرىبىندا باسپا ءسوز ءماسليحاتى وتەدى.
12.00-دە «حان- شاتىر» ويىن ساۋىق-ساۋدا ورتالىعىندا ب ۇ ۇ- نىڭ دامۋ باعدارلاماسى قازاقستاننىڭ ەكولوگيالىق ۇيىمدارى قاۋىمداستىعىمەن «استانا! بىرگە! جارىق! مەن اقىلدى قالامدى سۇيەمىن!» اتتى ەكىنشى ەكو-فەستيۆال ۇيىمداستىرىلادى.
15.00-دە ورتالىق كوممۋنيكاتسيالار قىزمەتىندە «بەس الەۋمەتتىك باستامالار» باعدارلاماسىنىڭ جۇزەگە اسىرىلۋى بويىنشا دوڭگەلەك ۇستەل وتەدى.
15.00-دە ق ر ىشكى ىستەر مينيسترلىگىنىڭ توتەنشە جاعدايلار كوميتەتىندە ءورت قاۋىپسىزدىگى اۋماعىندا مەملەكەتتىك باقىلاۋدىڭ جۇزەگە اسىرىلۋى جونىندە بريفينگ وتەدى.
16.00 ۇلتتىق اكادەميالىق كىتاپحانادا ق ر ورتالىق سايلاۋ كوميسسياسى مەن قازاقستان رەسپۋبليكاسىنىڭ پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ بىرلەسكەن وتىرىسى وتەدى.
19.00-دە نازاربايەۆ ۋنيۆەرسيتەتىندە جىل سايىن ۇيىمداستىرىلاتىن «NU Orchestra Grand Concert» كونسەرتى ۋنيۆەرسيتەت وركەستىرىنىڭ سۇيەمەلدەۋىمەن وتەدى.
الماتى
9.00-دە ءال-فارابي اتىنداعى قازاق مەملەكەتتىك ۇنيۆەرسيتەتىندە الماتى قالالىق جاستار ساياساتى مەملەكەتتىك دامۋ قورى «دينامو» دەنە شىنىقتىرۋ- سپورت قوعامى» قوعامدىق بىرلەستىگىمەن جوعارى وقۋ ورىندارىنداعى ستۋدەنتتىك كوماندالار اراسىندا اشىق قالالىق جارىس وتەدى.
9.30-دە «سۇڭقار» شاڭعى ترامپلينى كەشەنى اۋماعىندا الماتى قورعانىس دەپارتامەنتىنىڭ، «ەكسترەمالدى اتلەتيكا» ا ب، اسكەري- تەحنيكالىق مەكتەبى، و و «ەكسترەمالنايا اتلەتيكا»، اسكەري ينستيتۋت، قۇرلىقتاعى اسكەر، ق ر قارۋلى كۇشتەرىنىڭ دەسانتتى شابۋلداۋشىلارىمەن II حالىقارالىق «Sarbaz Race» اسكەري- سپورتتىق ويىندارى ۇيىمداستىرىلادى.
10.00-دە ق ر ب ع م- نە قاراستى عىلىم كوميتەتىنىڭ فيلوسوفيا، پوليتولوگيا جانە ءدىنتانۋ ينستيتۋتىندا «شىعىس پەن باتىستىڭ ەكىجاقتى مادەنيەتىنىڭ ديالوگى ارقىلى بىرلىك پەن ءارالۋاندىلىق: ەجەلگى الەم، ورتاعاسىر، جاڭا جانە جاڭاشا ءومىر» تاقىرىبىندا حالىقارالىق عىلىمي كونفەرەنسيا وتەدى.
12.00-دە وقۋشىلار سارايى مەن ق ر تۇڭعىش پرەزيدەنتى - ەلباسى قورى ناۋرىز مەرەكەسىنە وراي ءىس- شارا ۇيىمداستىرادى.
14.00-دە ورال تاڭسىقبايەۆ اتىنداعى الماتى ساندىك قولدانبالى ونەر كوللەدجىندە ت م د-نىڭ مەملەكەتتىك- قاتىسۋشىلار ەرەكشە ءبىلىمدى قاجەتسىنەتىن بالالاردىڭ II حالىقارالىق مادەني-اعارتۋ فورۋمىنىڭ سالتاناتتى اشىلۋى وتەدى.
اقمولا وبلىسى
11.00-دە كوكشەتاۋ قالاسىندا گەولوگتار كۇنىنە وراي سالتاناتتى شارا وتەدى. وعان وبلىس اكىمىنىڭ ورىنباسارى مەن اۋماقتىق دەپارتامەنتتەردىڭ جانە باسقارمالاردىڭ باسشىلارى، گەولوگيا ارداگەرلەرى، گەولوگيا- بارلاۋ كومپانيالارى مەن تابيعات پايدالانۋشىلار قاتىسادى دەپ كۇتىلۋدە.
سولتۇستىك قازاقستان وبلىسى
14.00-دە وبلىستىق ءماسليحاتتىڭ التىنشى شاقىرىلىمىنىڭ ⅩⅩ سەسسياسى وتەدى. كۇن تارتىبىندە كاسىبي- تەحنيكالىق ءبىلىمدى جەتىلدىرۋ، س ق و ءى ءى د جەرگىلىكتى پوليتسيا قىزمەتى باستىعىنىڭ ەسەبى، جەرگىلىكتى حالىقتىڭ دەنساۋلىقتى ساقتاۋ ماسەلەلەرى بويىنشا تۇراقتى كوميسسياسى ءتوراعاسىنىڭ ەسەبى جانە ت. ب ماسەلەلەر قارالادى.
وڭتۇستىك قازاقستان وبلىسى
9:30-دا وڭتۇستىك قازاقستان وبلىستىق سوتىنىڭ باسپا ءسوز ورتالىعىندا سوتتىڭ ب ا ق- پەن ءوزارا ءىس- قيمىل جونىندەگى توپ جەتەكشىسى ت. سمايلوۆا، ۇيلەستىرۋشى- سۋديالارى ب. بايدۋللايەۆ جانە ۆ. ميروشنيكوۆتاردىڭ قاتىسۋىمەن كەيبىر رەزونونستى ىستەر بويىنشا بريفينگ وتەدى.
11.00-دە شىمكەنت زووباعىندا حالىقارالىق قۇستار كۇنىنە ارنالعان مەرەكەلىك ءىس- شارا وتەدى. «ەكولوگيالىق ورتالىق» ۇيىمداستىرعان شارا مەكتەپ وقۋشىلارىنىڭ قۇستار جانە ولاردىڭ تىرشىلىگى تۋرالى بىلىمدەرىن كەڭەيتۋ جانە قورشاعان ورتاعا دەگەن سۇيىسپەنشىلىگىن ارتتىرۋ باعىتىندا وتكىزىلەتىن بولادى.
