الداعى 30 جىلدا ىشكى كوشى-قون قارقىن الادى. سەبەبى
بۇل جاعىمسىز الەۋمەتتىك قۇبىلىستىڭ الدىن الۋ ءۇشىن الەم ەلدەرىنىڭ بيلىگى وسى باستان قام جاساپ، دايىن بولۋى ءتيىس. بۇل جايىندا دۇنيەجۇزىلىك بانك ساراپشىلارى ءمالىم ەتتى. «جاقىنداپ كەلە جاتقان داۋىل: كليماتتىڭ وزگەرۋى ىشكى كوشى-قونعا قالاي اسەر ەتەدى؟» دەپ اتالاتىن زەرتتەۋ ءماتىنى اتالعان الەمدىك قارجى ۇيىمىنىڭ سايتىندا جاريالانعان.
ىشكى كوشى-قوننىڭ (تۇرعىندار كليماتى جايلى ەلدەرگە، ال جاعدايى جوقتار ەلدىڭ تىرشىلىك ەتۋگە قولايلى ايماعىنا اعىلادى) نەگىزگى سەبەبى كليماتتىڭ اقىرىن وزگەرۋى، اۋىزسۋ تاپشىلىعى، قۇرعاقشىلىق، تابيعي اپاتتار، ازىق-تۇلىكتىڭ جەتىسپەۋشىلىگى جاتادى.
ساراپشىلار بۇل باعىتتاعى ەڭ قاۋىپتى ايماقتارعا ساحارا ءشولىنىڭ وڭتۇستىگىندە جاتقان افريكا قۇرلىعىنداعى ەلدەردى، ازيانىڭ وڭتۇستىگىن جانە لاتىن امەريكاسىن جاتقىزىپ وتىر. بۇل اتالعان ايماقتاردا ءازىردىڭ وزىندە كليماتتىڭ وزگەرۋىنەن ادامداردىڭ ميگراتسياسى باستالىپ كەتكەن. بۇكىل الەمدەگى ادامزاتتىڭ %55 ى وسى اتالعان ايماقتاردى تۇراتىنىن ەسكەرسەك، ميگاتسيا كۇردەلى يسپات الايىن دەپ تۇر.
ەگەر الەمدىك قاۋىمداستىق بۇل پروبلەماعا ءجىتى نازار اۋدارماسا، 2050 -جىلعا قاراي افريكا ەلدەرىنەن شامامەن 86 ميلليون ادام، ازيانىڭ وڭتۇستىگىندەگى ەلدەردەن 40 ميلليون ادام، ال لاتىن امەريكا ەلدەرىنەن 17 ميلليون ادام ءوزى تۇرى جاتقان جەرىنەن باسقا جاققا قونىس اۋداراتىن بولادى. ەڭ كەدەي تۇرعىندار ۇلكەن قالالار مەن اۋداندارعا جاپپاي اعىلاتىن بولادى. مۇنداي جاعدايدىڭ الدىن الۋ ءۇشىن نەمەسە مۇنداي جاعداي ورىن العاندا مەملەكەت باسشىلارى نە ىستەۋى كەرەك نەمەسە قانداي شارالاردى قولعانى العانى ءجون؟
مۇنداي ميگراتسيانىڭ جاعىمسىز سالدارىن جويۋعا پارنيكتى گازدىڭ ءبولىنۋىن ازايتاتىن شارالار، ارنايى ينۆەستيسيا تارتۋ، ازىق-تۇلىك قاۋىپسىزدىگىن قامتاماسىز ەتۋ، ترانسشەكارالىق وزەن سۋلارىن ءادىل ءبولۋ، ت. ب. شارالار كومەكتەسەدى.
سونداي-اق، ميگرانتتارعا جاڭا ورىندارعا بەيىمدەۋ، ناقتىراق ايتقاندا، جۇمىسقا ورنالاستىرۋ، باسپانا تاۋىپ بەرۋ، زاڭمەن قورعاۋ، ت. ب. شارالارى دا ماڭىزدى. ول ول ما، ىشكى ميگراتسيانى وڭتايلى پايدالانۋدىڭ جولدارىن قاراستىرىپ، كەي ايماقتاردىڭ ەكونوميكاسىن جانداندىرۋعا بولادى.
