الماتى وبلىسىندا 30 مىڭنان استام تۇرعىنى بار اۋىلعا گاز تارتىلدى

بۇل ەڭبەكشىقازاق اۋدانىندا ىسكە قوسىلعان ەكىنشى اۆتوماتتى گاز تاراتۋ ستانساسى. قۋاتتىلىعى ساعاتىنا 50 مىڭ تەكشە مەتر. ياعني ءبىر مەزەتتە 40 كوپ پاتەرلى،  6600 جەكە ءۇي مەن 120 ءوندىرىستى گازبەن قامتي الادى. ايتا كەتۋ كەرەك، شەلەك اۋىلى ەڭبەكشى قازاق اۋدانىنىڭ ەڭ ءىرى ەلدى مەكەنى. مۇنداعى حالىق سانى 30 مىڭنان اسادى.

«ەندى مەن كومىر جاعىپ، كۇل شىعارمايمىن. گاز جاققاندا ءۇي دە تازا بولادى. كومپانيا كومەگىمەن 2 اپتادا قۇجاتتاردى رەتكە كەلتىرىپ، 350 مىڭ تەڭگەگە قوستىردىق. تولەمىن جەڭىلدەتىلگەن ناۋقان بويىنشا ايما اي 1 جىل ىشىندە تولەپ قۇتىلامىز»، - دەيدى اۋىل تۇرعىنى تاتيانا يپپاتيكوۆا.

سونداي- اق، بۇل كۇنى وسى اۋدانعا قاراستى بايسەيىت اۋىلىندا 100 ورىندىق بالاباقشا اشىلدى. كولەمى 330 شارشى مەتر بولاتىن جاڭا نىسان مەملەكەتتىك- جەكەشەلىك سەرىكتەستىك اياسىندا جۇزەگە استى. جەكە كاسىپكەر مۇحيت قاسەنوۆ 20 ميلليون تەڭگەگە عيماراتتى تالاپقا ساي ەتىپ جاساپ بەردى. قازىر مۇندا 6 توپ بار. ولار بالاباقشادا وي- ءورىسىن دامىتىپ قانا قويمايدى، ونەرلەرىن شىڭدايدى.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى