قازاقستان دامىعان 30 ەلدىڭ قاتارىنا كىرۋى ءۇشىن نە ىستەۋ كەرەك
بۇل تۋرالى بۇگىن ۇكىمەت وتىرىسىندا 2025-جىلعا دەيىنگى ستراتەگيالىق دامۋ جوسپارىن تانىستىرعان ق ر ۇلتتىق ەكونوميكا ءمينيسترى تيمۋر سۇلەيمەنوۆ ايتتى، دەپ حابارلايدى قازاقپارات.
«2025-جىلعا دەيىن الەمنىڭ 30 دامىعان ەلىنىڭ تىزىمىنە كىرۋ ماقساتىنا جەتۋ ءۇشىن ءبىز مىنالاردى قامتاماسىز ەتۋىمىز كەرەك: ج ءى ءو دەڭگەيىنىڭ ءوسۋىن جان باسىنا شاققاندا 46100 ا ق ش دوللارىنا دەيىن ءوسىرۋ، ەڭبەك ونىمدىلىگىنىڭ جىلىنا ورتا ەسەپپەن 4,7 پايىزعا ارتتىرۋ»، - دەدى ول جوسپاردى تانىستىرۋ بارىسىندا.
سونىمەن قاتار، ونىڭ ايتۋىنشا، ءوسۋدىڭ ساپاسىن ولشەۋ ءۇشىن تاۋارلار مەن قىزمەتتەردى شيكىزاتتىق ەمەس ەكسپورتتىڭ ۇلەسىندە 44,6 دان 50 پايىزعا دەيىن ۇلعايتۋ، ج ءى ءو- دەگى شاعىن جانە ورتا بيزنەس ۇلەسىن 26,8 دەن 35 پايىزعا دەيىن ارتتىرۋ، نەگىزگى كاپيتالعا ينۆەستيتسيالاردىڭ ج ءى ءو- نەن 16,4 تەن 19 پايىزعا دەيىن ءوسىرۋ، ۇلتتىق ۆاليۋتاداعى نەسيە پورتفەلىنىڭ كولەمىن ج ءى ءو- نەن 18 دەن 50 پايىزعا دەيىن ءوسىرۋ قاجەت. مۇنان بولەك، سيفرلاندىرۋ يندەكسى بويىنشا 25, لوگيستيكا تيىمدىلىگىنىڭ يندەكسى بويىنشا الەمدەگى 38 ەلدىڭ قاتارىنا كىرۋ جوسپارلانادى. بيۋجەتتىڭ مۇناي ەمەس تاپشىلىعى ۇلەسىن ج ءى ءو- ءنىڭ 6 پايىزىنا دەيىن تومەندەتۋ كوزدەلەدى.
«ەلدىڭ ءال-اۋقاتىن ارتتىرۋ حالىقتىڭ ءومىر ءسۇرۋ ساپاسىن جاقسارتۋمەن بىرگە ءجۇرۋى كەرەك. وعان ءومىر ءسۇرۋ ۇزاقتىعىن 72 دەن 75 جاسقا دەيىن ۇلعايتۋ، حالىقتىڭ ەڭ از قامتىلعان 40 پايىزىنىڭ تابىس ۇلەسىنىڭ 22,8 دەن 27 پايىزعا دەيىن ارتتىرۋ، PISA تەستىنە سايكەس ورتا ءبىلىم بەرۋ ساپاسىنىڭ ءۇش ءپان بويىنشا 450-490 عا دەيىن ءوسىرۋ، ەنەرگيا سىيىمدىلىعىن 40 پايىزعا دەيىن تومەندەتۋ، وڭىرلەردىڭ ءجوو بويىنشا دامۋ اراسىنداعى الشاقتىقتى 3,2 ەسەدەن 2,7 ەسەگە دەيىن ازايتۋ، دۇنيەجۇزىلىك بانكتىڭ يندەكسى بويىنشا مەملەكەتتىك باسقارۋ تيىمدىلىگىن 51 پروتسەنتيلدەن 60-75 پروتسەنتيلگە دەيىن كوتەرۋ كىرەدى»، - دەدى تيمۋر سۇلەيمەنوۆ.
