جەرورتا تەڭىزىندە 30 دان استام بوسقىندى اكۋلا جەپ كەتتى
يتاليا جاعالاۋلارىن بەتكە الىپ، سومالي، نيگەريا، گانا جانە ەفيوپيادان 200 گە جۋىق ادام ەكى رەزەڭكە قايىقپەن ساپارعا شىعادى.
سۋدا قايىقتاردىڭ ءبىرى زاقىمدانىپ، سۋعا باتا باستايدى. سول كەزدە ولارعا تۇتقيىلدان اكۋلالار شابۋىلدايدى.
وقيعا ورنىنا كەلگەن ليۆيا جاعالاۋ كۇزەتى ونداعان ادامنىڭ دەنەسىن جانە ولاردىڭ قاسىندا ەرسىلى-قارسىلى ءجۇزىپ جۇرگەن اكۋلالاردى كورەدى. قۇتقارۋشىلار بەس ساعات بويى قايىق اپاتقا ۇشىراعان اۋماقتا ىزدەستىرۋ جۇمىستارىن جۇرگىزدى، الايدا ءىز-ءتۇزسىز جوعالعان ونداعان بوسقىندى تابۋدىڭ مۇمكىندىگى بولمادى.
قۇتقارىلعانداردىڭ باسىم كوپشىلىگى ەكىنشى قايىقتىڭ جولاۋشىلارى بولدى. ولار ليۆيا استاناسى تريپوليگە جەتكىزىلدى.
