قازاقستاندا اگروونىمدەردى وڭدەيتىن 30 زاۋىت سالىنادى

قازاقستاندا اگروونىمدەردى وڭدەۋ جول كارتاسى بويىنشا 17 زاۋىتتى جاڭعىرتىپ، ودان بولەك 30 جاڭا زاۋىت سالۋ قاراستىرىلعان. سونداي-اق، جامبىل،  قىزىلوردا، الماتى جانە وڭتۇستىك قازاقستان وبلىستارىندا اگرارلىق ونىمدەردى قايتا وڭدەۋ كاسىپورىندارىن اشۋ كوزدەلگەن.

ولار ءسۇت وڭدەۋ، قانت، ەت وڭدەۋ، ماي شايقاۋ، تەرى وڭدەۋ، ءبيدايدى تەرەڭ وڭدەۋ زاۋىتتارى بولماق.

جالپى العاندا، ق ر اۋىل شارۋاشىلىعى ءبىرىنشى ۆيتسە-ءمينيسترىنىڭ ايتۋىنشا، قازاقستاندا اۋىل شارۋاشىلىعى سالاسىندا ءوسىم - %2,1. اۋەلدە 326 كووپەراتيۆ قۇرۋ جوسپارلانعانىمەن، 745 كووپەراتيۆ قۇرىلعان. ولار 56 مىڭ شەكە شارۋاشىلىقتىڭ باسىن قوسىپ وتىر.

ەسكە سالا كەتەيىك، ق ر پرەمەر-ءمينيسترى باقىتجان ساعىنتايەۆ جۇمىس ساپارىمەن جامبىل وبلىسىندا ءجۇر.

بۇعان دەيىن ۇكىمەت باسشىسى «اتامەكەن» كاسىپكەرلەر پالاتاسىنىڭ وڭىرلىك كەڭەسى مۇشەلەرىمەن كەزدەسۋ وتكىزىپ، ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021-جىلدارعا ارنالعان، «بيزنەستىڭ جول كارتاسى 2020»، يندۋستريالىق ايماقتار مەن مونوقالالاردى دامىتۋ باعدارلامالارىن ىسكە اسىرۋ ماسەلەلەرىن تالقىلاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى