ەڭبەك ءوتىلى 30 جىلدان اسقان زەينەتكەرلەرگە قاتىستى ادىلدىك ورناتىلماق

«2017-جىلدىڭ 1- شىلدەسىنەن باستاپ بازالىق زەينەتاقى مولشەرى 14466 تەڭگەنى، ەڭ تومەنگى زەينەتاقى 31245 تەڭگەنى قۇراپ، 2017-جىلدىڭ 1- تامىزىنداعى جاعداي بويىنشا بازالىق زەينەتاقى الۋشىلار سانى 2116609 ادامدى، ىنتىماقتى زەينەتاقىنى الۋشىلار قاتارى 2099638 ادامدى مەجەلەدى. ەڭبەك جانە حالىقتى الەۋمەتتىك قورعاۋ مينيسترلىگى 2018-جىلدىڭ 1- شىلدەسىنەن باستاپ ەنگىزىلەتىن بازالىق زەينەتاقىنى تاعايىنداۋدىڭ جاڭا ءتاسىلىن ءتۇسىندىرۋ تۇرعىسىندا بەلسەندى جۇمىس اتقارۋدا»، - دەدى ول.

قازىرگى تاڭدا بازالىق زەينەتاقى زەينەت جاسىنا جەتكەن ازاماتتارعا ەڭبەك ءوتىلى مەن زەينەتاقى جۇيەلەرىن قالىپتاستىرۋ شاراسىنا قاتىسقان-قاتىسپاعاندىعىنا قاراماستان بىردەي كولەمدە بەرىلەدى.

«كەلەسى جىلدان باستاپ، زەينەتاقى جۇيەسىنە قاتىسۋ وتىلىنە قاراي بەرىلمەك. وسى ورايدا 1988-جىلدان كەيىنگى جيناقتاۋشى زەينەتاقى جۇيەسىنە زەينەتاقى اۋدارىمدارىنىڭ ءتۇسۋ ارالىعى عانا ەسەپتەلىنىپ قويماي، 1998-جىلعا دەيىنگى دە ەڭبەك ءوتىلى نازارعا الىناتىنى بولجانۋدا»، - دەپ ءتۇسىندىردى جاقىپوۆا.

مۇنداي ءادىس، 30-40 جىل ەڭبەك ءوتىلى بولسا دا، تومەن زەينەتاقى الىپ وتىرعان ادامدارعا قاتىستى ادىلدىك ورناتۋ ماقساتىندا جاسالماق. مينيسترلىكتىڭ مالىمەتىنە قاراعاندا، 1998-جىلعا دەيىنگى 33 جىلدان اساتىن ءوتىلى بار تۇلعالارعا نەمەسە 1998-جىلدان كەيىنگى ءوتىلىن ەسكەرە وتىرىپ، بازالىق زەينەتاقى اعىمداعى كولەمىمەن سالىستىرعاندا ەكى ەسەگە كوبەيەدى.

ەگەر بۇل سوما قازىر 12 مىڭ تەڭگەنى كورسەتسە، 2018-جىلدىڭ 1- شىلدەسىنەن زەينەتكەرلەردىڭ اتالعان توبى ىنتىماقتى جانە جيناقتاۋشى زەينەتاقىعا قوسا، 24 مىڭ تەڭگەدەن استام بولادى.

اتاپ ايتقاندا، 2018-جىلدىڭ 1- شىلدەسىنەن 2,1 ميلليون زەينەتكەر ءۇشىن بازالىق زەينەتاقى 1,8 ەسەگە جوعارىلايدى. سونىمەن قاتار، قازىرگى كەزدە، زياندى جانە قاۋىپتى ەڭبەك جاعدايىندا جۇمىس ىستەيتىن ازاماتتاردىڭ زەينەتكە ەرتە شىعۋ شارالارى قاراستىرىلعان.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى