ءۇش جىلدان كەيىن اقىلى جولداردان ءار جىلدا 30 ميلليارد تەڭگەدەن قارجى تۇسەدى

 دەپ حابارلايدى قازاقپارات ءتىلشىسى.

 اۆتوموبيل جولدارى كوميتەتىنىڭ ءتوراعاسى مەرەكە پىشەمبايەۆتىڭ ايتۋىنشا، الداعى ۋاقىتتا  7000 شاقىرىم جولدا اقىلى جۇيە ەنگىزىلەدى. بيىل اتالعان جۇيەنى استانا- تەمىرتاۋ، الماتى - قاپشاعاي مەن الماتى - قورعاستا ەنگىزۋ جوسپارلانىپ وتىر.

 «وسى جولداردا اقىلى جۇيەنى ەنگىزۋدىڭ ارقاسىندا جىل سايىن 4 ميلليارد تەڭگە تۇسەدى دەگەن جوسپار بار. قازىرگى كەزدە باسقا 13 ۋچاسكەدە اقىلى جۇيە بويىنشا جوبالىق- سمەتالىق قۇجاتتاردى دايارلاۋ جۇمىسى باستالدى. 2018 -جىلى 14,5 مىڭ شاقىرىم جولدا، ال 2019 -جىلى تاعى ءبىر مىڭ شاقىرىمدا اقىلى جۇيەنى ەنگىزۋدى جوسپارلاپ وتىرمىز. ءسويتىپ، 2020 -جىلدان باستاپ اقىلى جولداردان جىل سايىن 30 ميلليارد تەڭگەنى جينايمىز دەپ ويلايمىز. ول اقشا اقىلى جولداردى جوندەۋگە جانە تاعى باسقا جۇمىستارعا تولىعىمەن جەتەدى»، - دەيدى پىشەمبايەۆ.

ايتا كەتەيىك، بۇگىن استانادا وتكەن باسپا ءسوز ءماسليحاتىندا كوميتەت باسشىسى تاعى 11 جولدا قۇرىلىس جۇمىستارىنىڭ باستالاتىنىن مالىمدەدى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى