قاراعاندىدا جىلىنا 30 ميلليون وق- ءدارى شىعاراتىن پاترون زاۋىتى اشىلادى

 بۇل تۋرالى بۇگىن ورتالىق كوممۋنيكاتسيالار قىزمەتىندە قازاقستان رەسپۋبليكاسى قارۋلى كۇشتەرىنىڭ 25 جىلدىعىنا ارنالعان باسپا ءسوز ءماسليحاتىندا ق ر قورعانىس ءمينيسترىنىڭ ورىنباسارى، گەنەرال- مايور تالعات جانجۇمەنوۆ ءمالىم ەتتى.

 2016 -جىلدىڭ 14 - ناۋرىزىندا قاراعاندىداعى «سارى ارقا» ارنايى ەكونوميكالىق ايماق اۋماعىندا العاشقى قازاقستاندىق پاترون زاۋىتىنىڭ ىرگەتاسى قالانعانى حابارلانعان ەدى. زاۋىتتىڭ جالپى اۋدانى  26400 شارشى مەتردى قۇرايدى. جوسپارعا سايكەس، قۇرىلىس جۇمىستارى 2017 -جىلدىڭ جەلتوقسان ايىندا اياقتالادى.

«جەلتوقسان ايىندا اشىلاتىن جاڭا زاۋىتتىڭ جىلىنا وتىز ميلليون وق- ءدارى شىعاراتىن قاۋقارى بار. كەلەسى جىلدان باستاپ ءتورت تيپ بويىنشا شىعارىلعان وتاندىق وق- دارىلەر قازاقستاننىڭ قارۋلى كۇشتەرىنە جانە وزگە دە اسكەري ورىندارعا جەتكىزىلەتىن بولادى»، - دەدى تالعات جانجۇمەنوۆ.

سونىمەن بىرگە، قورعانىس ءمينيسترىنىڭ ورىنباسارى قارۋلى كۇشتەرىنىڭ 25 جىلدىعىنا ارنالعان شارالاردىڭ ەل اۋماعىندا جىل بويى جالعاساتىنىن حابارلادى. ونىڭ ايتۋىنشا، 25 جىلدىققا وراي، بيىل جاڭا اسكەري زاماناۋي تەحنيكالار الىنىپ، اسكەري قىزمەتشىلەرگە باسپانا كىلتى تابىستالادى، جاس ورەندەردى پاتريوتتىق تاربيەلەۋگە باعىتتالعان ءتۇرلى سپورتتىق- مادەني شارالار ۇيىمداستىرىلادى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى