جامبىل وبلىسىندا تاعى ءبىر ەجەلگى قالانى قازۋعا 30 ميلليون تەڭگە ءبولىندى
ەسكە سالا كەتەيىك، تارازدا جەرگىلىكتى بيۋدجەت قارجىلاندىرۋمەن « І-ХІХعاسىرلارداعى ەجەلگى تاراز» ارحەولوگيالىق قازبا جۇمىستارى ءجۇرىپ جاتىر. ارحەولوگتار 6-12 عاسىرلارعا جاتاتىن 40 مىڭ ارتەفاكتىلەر، 8-9 عاسىرلارداعى مەدرەسە، مەشىتتەر، تالاس وزەنىنىڭ كونە ارناسىنىڭ جاعالاۋى، قۇرىلىس ورىندارىن تاپقان.
د. بىقىبايەۆ اتاپ وتكەندەي، «ەجەلگى تاراز» قالاسىنىڭ شاحريستان ۋچاستوگىندا قازبا جۇمىستارىن جالعاستىرۋ ءۇشىن 2016-جىلعا 30 ميلليون تەڭگە ءبولىندى. «بۇگىندە «ەجەلگى تاراز» مۋزەيىنىڭ قۇرىلىسى، «مىڭبۇلاق» اللەياسى، «تاراز اۋەندەرى كەشەنى»، بيىك مۇنارانىڭ قۇرىلىسى اياقتالدى. ەتنومادەني ورتالىقتىڭ قۇرىلىس جۇمىستارى ءجۇرىپ جاتىر. وتكەن 2015-جىلى تارازداعى ەتنوتۋريزمدى دامىتۋ ءۇشىن «10-12 عاسىرلارداعى تورتكۇل» كەرۋەن-سارايىن قالپىنا كەلتىرۋ ءۇشىن وبلىستىق بيۋدجەتتەن 28 ميلليون تەڭگە ءبولىندى»، - دەپ اتاپ ءوتتى مادەنيەت باسقارماسىندا.
تەرريتورياسى 20 گەكتار بولاتىن «ەجەلگى تاراز» كەشەنىنىڭ قۇرىلىسىنىڭ جالپى قۇنى 2,5 ميلليارد تەڭگەنى قۇرايدى. جەرگىلىكتى بيۋدجەتتەن قازبا جۇمىستارىن جۇرگىزۋگە 2011-جىلى 348 ميلليون تەڭگە ءبولىندى. «ەجەلگى تاراز» ەسكەرتكىشىنىڭ ايماعىنداعى مۋزەي قۇرىلىسى ءۇشىن رەسپۋبليكالىق بيۋدجەتتەن 832,3 ميلليون تەڭگە بولىنگەن.
عىلىمي-زەرتتەۋ جۇمىستارىن «ارحەلوگيالىق ساراپتاۋ» ج ش س مەن «قازارحەولوگيا» ج ش س جۇرگىزىپ جاتىر.
«ەجەلگى تاراز» كەشەنى وبلىستا حالىقارالىق تۋريستىك برەند بولماق، ول «ەكسپو-2017» كورمەسىنە كەلگەن قوناقتار باراتىن قالالاردىڭ تىزىمىنە ەنگەن.
