الماتىداعى كينوفەستيۆالدە الەمنىڭ 30 عا جۋىق ەلىنىڭ جاستارىنىڭ تۋىندىلارى كورسەتىلەدى

جىل سايىنعى بۇل كينو مەرەكەسىن ت. جۇرگەنوۆ اتىنداعى قازاق ۇلتتىق ونەر اكادەمياسى مەن الماتى قالاسى اكىمدىگىنىڭ قولداۋىمەن «Tanaris Production»  كينو كومپانياسى ۇيىمداستىرىپ وتىر، دەپ حابارلايدى قالالىق مادەنيەت باسقارماسىنان.

كينوفەستيۆالدىڭ ماقساتى - ەۋروپا مەن ازيانىڭ جاس كينەماتوگرافيستەرىنىڭ ءوزارا ىنتىماقتاسۋى، ولاردىڭ ەڭبەكتەرىن قولداپ، دامىتۋ، ءتۇرلى جانرداعى كينوفيلمدەردى تۇسىرۋگە دەگەن قىزىعۋشىلىقتارىن ارتتىرۋ.

بيىلعى جىلى «باستاۋ» فەستيۆالىنىڭ باعدارلاماسىنا الەمنىڭ 30 عا جۋىق ەلىنەن كەلگەن كينو مەكتەپتەرىنىڭ ستۋدەنتتەرىنىڭ ويىن جانە دەرەكتى تۋىندىلارى ەنگىزىلگەن.

بەس كۇنگە جالعاساتىن شارادا فيلمدەر كورسەتىلىمىمەن قاتار، كينو مەكتەپتەرىنىڭ تۇساۋكەسەرلەرى وتكىزىلىپ، تانىمال كينەماتوگرافيستەرمەن دوڭگەلەك ۇستەلدەر مەن شەبەرلىك سىنىپتارى ۇيىمداستىرىلادى.

ەسكە سالايىق، بايقاۋعا 18-35 جاس ارالىعىنداعى قازاقستان ازاماتتارى قاتىسا الادى. بايقاۋعا قاتىسۋ ءۇشىن 2015-جىلعى 20- قازانعا دەيىن ءوتىنىش جىبەرۋ كەرەك. بايقاۋ تالاپتارى بويىنشا سۇراقتاردى tanaris.prod@gmail.com پوشتاسىنا جولداۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى