قىتايدا جۇرگىزۋشىسى جوق اۆتوبۋس 30 شاقىرىمداي جول ءجۇرىپ، سىناقتان ءساتتى ءوتتى

سىناقتىڭ تابىستى وتكىزىلۋى تۋرالى 8 -قىركۇيەكتە قىتايلىق «ۋيتۋڭ» اۆتوبۋس كومپانياسىنىڭ دۇيسەنبى كۇنى جاساعان مالىمدەمەسىنە سىلتەمە جاساعان شينحۋا اگەنتتىگى حابارلادى.

جىڭجوۋ قالاسىنان حىنان پروۆينسياسىنا شىققان جۇرگىزۋشىسىز باسقارىلاتىن اۆتوبۋس 30 دان استام شاقىرىمداي جول ءجۇرىپ، كايفىڭ قالاسىنا جەتتى. اراسىندا باعدارشامدار قويىلعان 26 جول قيىلىسى بار وسىنداي ۇلكەن قاشىقتىقتان ءوتۋ كولىك قۇرالىندا ورناتىلعان ەكى تاسپا، ءتورت لازەرلىك قاشىقتىق ولشەۋىش قۇرال، كەشەندى ناۆيگاتسيالىق جۇيە جانە ميلليمەترلىك دياپازونداعى راداردىڭ ارقاسىندا مۇمكىن بولدى.

تەحنيكانىڭ بۇل عاجابىنا يە «ۋيتۇڭ» كومپانياسى 2014 -جىلدىڭ قورىتىندىلارى بويىنشا اۆتوبۋستاردى ساتۋدان الەمدە ءبىرىنشى ورىن الىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى