استانا وپەرا كورەرمەنگە «سالماعى» 30 توننا تارتاتىن «ايدا» وپەراسىن ۇسىنباق - فوتو
وپەرانى شىرقاۋعا اتى ايگىلى جۇلدىزدار شاقىرتىلعان. ايدا پارتياسىن امەريكاندىق سوپرانو كريستين ليۋيس سومدايدى. 2010 - جىلى ءانشى ساۆونليننا وپەرا فەستيۆالىندە «جىل ءارتىسى» رەتىندە ماراپاتتالعان.
«استانا وپەرا» تورىندە رادامەستى يتالياندىق تەنور ۋولتەر فراككاروۆ شىرقايدى، ءارتىستى ميلانداعى «لا سكالا» ، نيۋ- يوركتەگى «مەتروپوليتەن- وپەرا» ، ميۋنحەندەگى «باۆاريالىق مەملەكەتتىك وپەرا» جانە باسقا الەمنىڭ ەڭ بەدەلدى ساحنالارى ونەر كورسەتۋگە ءجيى شاقىرادى. ەكىنشى قۇرامدا رادامەستىڭ پارتياسىن يتاليادان كەلەتىن تەنور گۋستاۆو پورتا سومدايدى. تۇساۋكەسەردىڭ ءبىرىنشى كۇنىندە اماناسرو پارتياسىن زامانداستارىنىڭ ىشىندەگى ەڭ مىقتى انشىلەردىڭ ءبىرى، تەمبرلى- كەڭ باريتون يەسى لۋكا سالسي ورىندايدى، ەكىنشى كۇنى ساحناعا البەرتو گازالە (يتاليا) شىعادى. مارينا پرۋدەنسكايا (مارينسكي تەاترى، رەسەي) ءبىرىنشى قۇرامدا امنەريس پارتياسىن وينايدى. ەكىنشى قۇرامدا بۇل پارتيانى ەكاتەرينا گۋبانوۆا شىرقايدى.
بۇل - يتالياندىق سۋرەتشى، پروديۋسەر، رەجيسسەر، سسەناريست، ەكى دۇركىن «وسكار» سىيلىعىنىڭ يەگەرى فرانكو دزەففيرەلليدىڭ قويىلىمى. سونداي- اق «استانا وپەرا» ءتورىنىڭ ديريجەرلىك تىزگىنىنە تەڭدەسى جوق كانادالىق كەري- لينن ۋيلسون العاش رەت يەلىك ەتەدى.
قويىلىمعا وپەرا، ەرلەر جانە ايەلدەر حورىنىڭ سوليستەرىنەن باستاپ، بالەت، وركەستر، ميمانس ارتىستەرى مەن بالالارعا دەيىن، شامامەن 200 ادام قاتىسادى. قويىلىمنىڭ بار اۋقىمدىلىعى، ءبىرىنشى جانە ەكىنشى اكتىلەر بارىسىندا بارلىق ارتىستەردىڭ ساناۋلى مينۋت ىشىندە كوستيۋمدەرىن، پاريك جانە گريمدەرىن تولىق وزگەرتىپ تۇرۋى كەرەكتىگىندە. كولەمدى جانە وتە كۇردەلى، كوپ قاتپارلى ءارى كوپ قاباتتى دەكوراتسيالار كوز الدىڭدا پايدا بولىپ، ءاپ- ساتتە جوق بولادى. شىمىلدىقتىڭ ارتىندا قىزمەت كورسەتەتىن ماماندار سانى ساحناعا شىعاتىن ارتىستەرمەن بىردەي ەكەنىن ايتۋدىڭ ءوزى ارتىق شىعار.
«تاڭعاجايىپ دەكوراتسيالار مەن ءار كيىمگە اشەكەي، بەلدىك، جامىلعى، بۋتافوريا سياقتى 10-15 بۇيىم تيەسىلى 400 استام كوستيۋمدەردى قازاقستانعا جەتكىزۋ ءۇشىن 17 ۇلكەن جۇك كولىگى كەرەك بولعان. كورەرمەن ساحنادان تاماشالايتىن بارلىق زاتتىڭ جالپى سالماعى 30 توننانى قۇرايدى»، دەلىنگەن «استانا وپەرا» تەاترىنىڭ حابارلاماسىندا.
