كۇرەستەن ق ر كۋبوگىنىڭ جۇلدە قورى - 30 مىڭ دوللار

بۇل تۋرالى بۇگىن «داۋلەت» سپورت كەشەنىندە وتكەن باسپا ءسوز ءماسليحاتىندا ءمالىم بولدى.

«بۇل كۋبوكتىڭ بۇرىنعىلاردان ەرەكشەلىگى - كۇرەستىڭ ءۇش ءتۇرى بويىنشا جارىستىڭ ءبىر جەردە وتكىزىلۋى. ەكىنشىدەن، بۇل ارقىلى ءبىز ءار كۇرەستىڭ ءار وڭىردە قانشالىقتى دارەجەدە دامىعانىن بىلە الامىز. ۇشىنشىدەن، سپورتتىق جەكپە-جەك كونفەدەراتسياسى مەن كۇرەس فەدەراتسياسى بىرلەسە وتىرىپ، 30 مىڭ دوللار كولەمىندە جۇلدە قورىن تاعايىندادى. مۇنداي قوماقتى قارجى ءبىرىنشى رەت تىگىلىپ وتىر»، - دەپ اتاپ ءوتتى رەسپۋبليكالىق كۇرەس فەدەراتسياسىنىڭ ۆيتسە-پرەزيدەنتى ەرلان قوجاسباي.

ونىڭ ايتۋىنشا، جارىسقا قاتىساتىن 16 قۇراما 4 كۆارتەتكە بولىنگەن. وسى تورتتىكتىڭ جەڭىمپازدارى ءوزارا مىقتىنى انىقتايدى.

بۇگىن بوز كىلەمدە گرەك-ريم كۇرەسىنىڭ بالۋاندارى بەلدەسىپ جاتىر. ال 31 - قازان مەن 1 - قاراشادا ەركىن كۇرەس شەبەرلەرى كۇش سىناسادى. 2 - قاراشا كۇنى سپورتسۇيەر قاۋىم ايەلدەر اراسىنداعى كۇرەستى كورە الادى. جارىس «داۋلەت» سپورت كەشەنىندە ءوتىپ جاتىر.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى