باۋىرجان بايبەك دامىعان 30 ەلدىڭ وزگەلەردەن باستى ەرەكشەلىگىن اتادى
باتىستىڭ دامىعان مەملەكەتتەرىندە دە سىبايلاس جەمقورلىقتىڭ بار ەكەندىگىن، الايدا، ولاردىڭ تۇرمىستىق كوررۋپتسيانى جەڭە العانىن اتاپ ءوتتى، دەپ حابارلادى پارتيانىڭ باسپا ءسوز قىزمەتىنەن.
«الەمنىڭ ەڭ دامىعان 30 ەلىنىڭ وزگەلەردەن باستى ايىرماشىلىعى - كۇندەلىكتى قارىم- قاتىناستاردان تۋىندايتىن «تۇرمىستىق جەمقورلىقتى» جويىپ، حالىقتىڭ ءومىر سۇرۋىنە قولايلى ورتا قالىپتاستىرا العاندىعىندا. ەلباسىمىزدىڭ قازاقستاندى بارىنشا دامىعان 30 ەلدىڭ قاتارىنا قوسۋ جونىندەگى ءسوزىنىڭ ماعىناسى دا وسىندا. ياعني، مەملەكەتى ازاماتىنا كەدەرگىسىز ورتا ۇسىنعان. ال ازاماتى زاڭدى قۇرمەتتەيتىن، بيلىككە سەنەتىن، ءومىر ساپاسى جوعارى قوعام قۇرۋ - باستى مىندەتىمىز» ، - دەدى ول.
ساياساتكەردىڭ ايتۋىنشا، مەملەكەتتىڭ نەمەسە پارتيانىڭ تاراپىنان بولماسىن اتقارىلىپ جاتقان اۋقىمدى ىستەر بۇدان بىلاي دا ناتيجەلى بولۋى ءۇشىن ەندىگى كەزەكتە بارشا قوعامدى، ۇكىمەتتىك ەمەس ۇيىمداردى، ساراپشىلاردى، ب ا ق وكىلدەرىن وسى ماقساتقا جۇمىلدىرۋىمىز قاجەت. سونداي- اق، جاڭاشا كوزقاراس پەن ءادىس- تاسىلدەرگە، بارىنشا اشىقتىققا كوشۋگە ءتيىسپىز.
