ە. ىدىرىسوۆ سينگاپۋر تاراپىنا 30 كۇندىك ساپارلار ءۇشىن ۆيزالىق تالاپتاردى جويۋ تۋرالى ۇسىنىس جاسادى
بۇل تۋرالى ق ر س ءى م باسپا ءسوز قىزمەتىنەن حابارلادى.
سينگاپۋر پرەمەر- مينيسترىمەن كەزدەسۋ بارىسىندا تاراپتار ەكىجاقتى قاتىناستاردىڭ قازىرگى احۋالى مەن بولاشاعىن تالقىلادى، ولار ەكونوميكا، ساۋدا، ينۆەستيتسيالار سالالارىمەن قاتار مەملەكەتتىك قىزمەت، ەلەكتروندى ۇكىمەت، ءبىلىم بەرۋ، بيۋدجەتتىك جوسپارلاۋ، شاعىن جانە ورتا بيزنەستى قولداۋ ماسەلەلەرىن قامتىدى. اتالعان بارلىق سالالاردا تولىعىمەن قولدانىلماعان ۇلكەن الەۋەت بار ەكەندىگى اتاپ ءوتىلدى.
«الەۋمەتتىك- ەكونوميكالىق دامۋىنىڭ ءساتتى تاجىريبەسى قازاقستاندا داعدىلانىپ جاتقان ەلدەر قاتارىنىڭ ءبىرى سينگاپۋر بولىپ تابىلادى» ، - دەپ اتاپ ءوتتى ە. ىدىرىسوۆ. «ەلىمىزدە ۇكىمەت اكتيۆتەرىن باسقارۋ بويىنشا مەملەكەتتىك حولدينگىنىڭ قىزمەتى ماقۇلداندى. سونىمەن قاتار، قازاقستاننىڭ ۇكىمەت اكتيۆتەرىن باسقارۋ بويىنشا «سامۇرىق- قازىنا» مەملەكەتتىك حولدينگى قۇرىلعاندا، «تەماسەك» حولدينگىنىڭ تاجىريبەسى پايدالانىلدى» .
جۇزدەسۋ بارىسىندا قازاقستاندىق س ءى م باسشىسى سينگاپۋردى ەكسپو-2017 ءىس- شاراسىنا قاتىسۋعا جانە لي سيان لۋن مىرزاعا قازاقستان باسشىلىعى اتىنان استاناعا وزىنە ىڭعايلى ۋاقىتتا ساپار شەگۋگە شاقىردى.
ال سينگاپۋر رەسپۋبليكاسى سىرتقى ىستەر ءمينيسترى، ادىلەت ءمينيسترى كاسيۆيسۆاناتان شانمۋگاممەن كەزدەسۋ كەزىندە قازاقستاندا حيميالىق كلاستەردى دامىتۋ ىسىندەگى ىنتىماقتاستىق، ءبىلىم بەرۋ جانە عىلىم سالالارىندا، سونىڭ ىشىندە كاسىبي- تەحنيكالىق ءبىلىم بەرۋ سالاسىنداعى ىقپالداستىق اتاپ ءوتىلدى.
ە. ىدىرىسوۆ سۇحباتتاسىنا قازاقستان سينگاپۋرمەن قۇقىق سالاسىندا ىنتىماقتاستىقتى دامىتۋعا مۇددەلى ەكەنىن جەتكىزدى. سونداي- اق، ەكى ەل ازاماتتارىنىڭ ءوزارا ساپارلارى ارتىپ وتىرعاندىعى ءسوز بولدى. وسىعان وراي سينگاپۋر تاراپىنا بارلىق پاسپورت تۇرلەرىن يەمدەنەتىن ازاماتتارعا 30 كۇندىك مەرزىمنەن اسپايتىن ساپارلار ءۇشىن ۆيزالىق تالاپتاردى جويۋ تۋرالى كەلىسىمگە قول قويۋ مۇمكىندىگىن قاراستىرۋ بويىنشا ۇسىنىس جاسالدى.
ە. ىدىرىسوۆ سونىمەن بىرگە ازيا- ەۋروپا فورۋمىنا ازيالىق توپتان قازاقستان كانديداتۋراسىنا قولداۋ كورسەتكەندىگى ءۇشىن العىس ايتىپ، ەلىمىزدىڭ ب ۇ ۇ قاۋىپسىزدىك كەڭەسىنىڭ 2017-2018 - جىلدارداعى تۇراقتى ەمەس مۇشەلىگىنە كانديداتۋراسىن قولدايتىنىنا سەنىم ءبىلدىردى.
ساپار بارىسىندا قازاقستان سىرتقى ىستەر ءمينيسترى ايگىلى لي كۋان يۋ اتىنداعى مەملەكەتتىك ساياسات مەكتەبىندە ەۋرازيالىق ەكونوميكالىق وداقتى قۇرۋدىڭ ماڭىزدىلىعى، ونىڭ نەگىزگى ماقساتتارى مەن مىندەتتەرى جانە ە ا ە س- تىڭ قۇرىلۋىمەن حالىقارالىق ەكونوميكالىق ىنتىماقتاستىق ءۇشىن تۋاتىن مۇمكىندىكتەر جايلى ءدارىس وقىدى.
ءمينيستردىڭ ساپارى جەتەكشى سينگاپۋرلىق ب ا ق- تاردا كەڭىنەن تالقىلاندى.
