سوتتالعاندار تۇرمەدەگى 300 گە جۋىق كامەرانى ىستەن شىعاردى - مينيسترلىك
قازىرگى ۋاقىتشا كولونيالاردا 22 مىڭنان استام بەينەكامەرا ورناتىلعان. ۆيدەوباقىلاۋدان تىس قالعان وڭىرلەر جوق.
«بەينەباقىلاۋ جەكە باسىن نەمەسە اۆتوكولىگىن انىقتاپ قانا قويماي، اۋماقتى ۆيزۋالدى تەكسەرۋ ارقىلى قۇقىقبۇزۋشىلىقتى انىقتاۋعا مۇمكىندىك بەرەتىن جاساندى ينتەللەكت جۇيەسىنە يە. ق ا ج كوميتەتىندە سيتۋاتسيالىق ورتالىق قۇرىلدى، وعان ەلىمىزدەگى بارلىق پەنيتەنتسيارلىق مەكەمەلەرىنەن بەينەجازبالار تاراتىلادى. بۇل كولونيالاردىڭ تىرشىلىگىن باقىلاۋعا جانە بۇزۋشىلىقتارعا تەك ايماقتىق دەڭگەيدە عانا ەمەس، كوميتەت دەڭگەيىندە دە جاۋاپ بەرۋگە مۇمكىندىك بەرەدى»، - دەدى ق ر ءى ءى م باسپا ءسوز قىزمەتىنىڭ وكىلى شۇعىلا تۇرلىبەك مينيسترلىكتىڭ بريفينگىندە.
قاداعالاۋشى پروكۋرورلار ءۇشىن بەينەجازبالاردى قاشىقتان قاراۋ مۇمكىندىگى بار. ناتيجەسىندە بيىلعى ءبىرىنشى توقساندا بەينەباقىلاۋ وپەراتورلارى ۇستاۋ رەجيمىنىڭ 3402 بۇزۋشىلىعىن انىقتاعان.
ال وتكەن جىلى 2779 بۇزۋشىلىق بولدى. تىيىم سالىنعان زاتتار 4 كانال ارقىلى كىرگىزىلەتىنى انىقتالدى، 13 سۋيتسيد پەن 3 قاشۋ فاكتىلەرىنىڭ جولى كەسىلدى.
سونداي-اق، ءبىر جىلدا ق ا ج مەكەمەلەرىندە قىزمەتكەرلەردىڭ زاڭسىز ارەكەتتەرىنە قاتىستى شاعىمدار سانى 4 ەسەگە ازايعان.
«مەكەمەلەردە ۇزدىكسىز بەينەباقىلاۋدى ەنگىزۋ كونتينگەنتتىڭ قۇقىقتىق جاعدايىن جاقسارتۋعا جانە قۇقىققا قايشى ارەكەتتەردىڭ الدىن الۋعا باعىتتالعان. ءبىراق، سوعان قاراماستان، سوتتالعاندار 293 كامەرانى ىستەن شىعارعان. ۇستاۋ رەجيمىن بۇزۋشىلارعا قاتىستى 45 تارتىپتىك جازا قولدانىلدى، 49 سوتقا دەيىنگى تەرگەۋ باستالدى»، - دەدى ش. تۇرلىبەك.
