ەلىمىزدە 300 مىڭنان استام راسىمدەلمەگەن شەتەلدىك كولىك بار

«پرەزيدەنت سوڭعى جولداۋىندا 1- قىركۇيەككە دەيىن قازاقستانعا كىرگەن شەتەلدىك كولىكتەردى جەڭىلدەتىلگەن تارتىپپەن راسىمدەۋگە رۇقسات بەرگەن ەدى. ونىڭ مولشەرى 200-250 مىڭ تەڭگەدەن اسپاۋى كەرەك. مۇنى جۇزەگە اسىرۋ ءۇشىن زاڭناما ازىرلەپ، 2 زاڭعا وزگەرىس ەنگىزۋىمىز كەرەك. بۇل - سالىق جانە ەكولوگيا كودەكستەرى. ارىپتەستەرىمىز زاڭ جوبالارىن دايىنداپ جاتىر. ولار دايىن بولعاندا ءبىز قۇقىقتىق نورماتيۆتىك اكتىنى قابىلدايمىز. قازاقستاندا 300 مىڭنان اسا شەتەلدىك كولىك بار. زاڭ قابىلدانعاننان كەيىن جۇمىستى باستايمىز»، - دەدى مارات احمەتجانوۆ.

ايتۋىنشا، بۇل ماسەلەنى تولىققاندى رەتتەۋ ءۇشىن ەكى بىردەي كودەكسكە وزگەرىس ەنگىزۋ كەرەك.

«زاڭدى ءبىز دايىنداپ جاتقان جوقپىز. ارىپتەستەرىم دايىنداپ جاتىر. سالىق پەن ەكولوگيا كودەكستەرىنە ەنگىزىلەتىن ءتيىستى وزگەرىستەردى وكىلەتتى مينيسترلىكتەر دايىنداپ جاتىر. پرەزيدەنتتىڭ تاپسىرماسى بار. 2023 -جىلعى 1- قاڭتارعا دەيىن قابىلدانادى دەپ جوسپارلانىپ وتىر. زاڭ قابىلدانعان سوڭ ەرەجەنى دايىندايمىز، ياعني، كولىكتەردى قالاي زاڭداستىرۋعا بولاتىنىن پىسىقتايمىز»، - دەدى ىشكى ىستەر ءمينيسترى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى