يلون ماسكتىڭ داۋلەتى 300 ميلليارد دوللاردان استى

ونىڭ داۋلەتى 300 ميلليارد دوللاردان استى، دەپ حابارلايدى قازاقپارات Business Today-عا سىلتەمە جاساپ.

Forbes جانە Bloomberg Billionaires Index (BBI) رەيتينگتەرى بويىنشا، امەريكاندىق Tesla ەلەكتروموبيلدەرىن شىعارۋشى كومپانيا اكتسيالارىنىڭ كۇرت ءوسىمىنىڭ ارقاسىندا ماسكتىڭ داۋلەتى ءبىر كۇننىڭ ىشىندە 17,1 ميلليارد دوللارعا ارتىپ، 315 ميلليارد دوللارعا جەتكەن. ءوز كەزەگىندە Bloomberg اگەنتتىگى ماسكتىڭ داۋلەتىن 335 ميلليارد دوللارعا باعالاپ وتىر.

سونداي- اق ەڭ باي ادامدار «ۇشتىگىنە» Amazon نەگىزىن قالاۋشى دجەفف بەزوس (193,2 ميلليارد دوللار) جانە داۋلەتى 190,8 ميلليارد دوللارعا باعالانىپ وتىرعان فرانسيانىڭ LVMH كومپانيالار توبىنىڭ باس ديرەكتورى بەرنار ارنو كىردى.

ەسكە سالا كەتسەك، قازان ايىنىڭ سوڭىندا ماسك ادامزات تاريحىندا ەڭ باي ادام اتالعان، ال ونىڭ داۋلەتى 270 ميلليارد دوللارعا جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى