قىرعىزستاندا 300 دەن اسا ادام تاماقتان جاپپاي ۋلاندى

دەنساۋلىق ساقتاۋ مينيسترلىگىنىڭ مالىمەتىنشە، زارداپ شەككەندەردىڭ 40 ى - بالالار.

«43 ادام ستاتسيونارلىق كومەك الدى: تەمىرجول اۋرۋحاناسىندا - 17، قالالىق بالالار جەدەل جاردەم اۋرۋحاناسىندا - 9، ۇلتتىق ەمحانادا - 17»، - دەپ اتاپ ءوتتى ۆەدومستۆودا.

جەلى مەكەمەلەرىنە 21 مىڭ سوم (شامامەن 105 مىڭ تەڭگە. - ەسكەرت. ) ايىپپۇل سالىندى.

ريا نوۆوستي سايتى دەنساۋلىق ساقتاۋ مينيسترلىگىنىڭ مالىمەتىنشە، ءبارى 22-23-قازاندا ۋلانعانىن، ال جاڭا جاعدايلار پاتسيەنتتەردەن انامنەز جينالعاننان كەيىن انىقتالاتىنىن جازدى.

ۆەدومستۆونىڭ حابارلاۋىنشا، زارداپ شەككەندەر «پيسسا يمپەرياسى» قوعامدىق تاماقتانۋ جەلىسىنىڭ ءتورت كافەسىنەن رولل جەگەن. دۇيسەنبىدە ەپيدەميولوگيالىق تەرگەۋ كەزىندە وسى جەلىنىڭ بارلىق فيليالى جابىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى