گەرمانيادا ۋنيۆەرسيتەتتىك كلينيكا وسىدان 300 جىل بۇرىن پايدا بولدى

بۇل كەشەنگە 100-گە جۋىق كلينيكا مەن ينستيتۋت كىرىپ، 14 مىڭ مامان جۇمىس ىستەيدى. ۋنيۆەرسيتەتتىك كلينيكالاردا ەم دومنان بولەك، زەرتتەۋ جۇمىستارىنا كوپ كوڭىل بولىنەدى.

ورتالىقتا مەديتسينالىق فاكۋلتەتتىڭ ستۋدەنتتەرى تاجىريبە جيناپ، ءبىلىمىن جەتىلدىرەدى. وسىلايشا دارىگەرلەردىڭ باقىلاۋىمەن ناۋقاستاردى ەمدەيدى. سونداي- اق، كاسىبي تاجىريبەسى مول بىلىكتى مامانداردان ءبىلىم الادى. پروفەسسورلار ەمدەپ قانا قويماي، جاڭا ادىستەمەلەردى ەنگىزىپ، عىلىمي - زەرتتەۋ جۇمىستارىمەن دە اينالىسا الادى.

 كارل- كريستيان بەرگمانن، اللەرگولوگ:

 - ءبىز شاريتە كلينيكاسىندامىز. بۇل ەۋروپا بويىنشا ەڭ ءىرى مەديتسينالىق فاكۋلتەت. مۇندا مىڭداعان ادام جۇمىس ىستەيدى. ۋنيۆەرسيتەتتىك كلينيكادا گەرمانياداعى ەڭ ءىرى اللەرگولوگيا ورتالىعى بار. مۇندا اللەرگيانى زەرتتەيتىن ەۋروپاداعى بارلىق ۋنيۆەرسيتەتتەردىڭ سەرىكتەستىك ورتالىعى ورنالاسقان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى