سەيىتقازى ماتايەۆ 300 ميلليون تەڭگەدەن استام قاراجاتتى جىمقىردى دەگەن كۇدىكپەن ۇستالدى
«اتالعان مەكەمەلەر وسى ماقساتتا «قازتاگ ح ا ءا» ج ش س جانە «ۇلتتىق باسپا ءسوز كلۋبى» ق ب- مەن شارتتار جاساسقان.
تاپسىرىس بەرۋشىلەردىڭ باستى تالاپتارى تۇرعىندارعا مەملەكەت جۇرگىزىپ جاتقان ساياسات تۋرالى اقپارات تاراتۋ جانە جالپى اشىقتىقتى قامتاماسىز ەتۋ. الايدا بۇل تالاپتار ورىندالمادى. ب ا ق- تا جاريالانۋى ءۇشىن تولەنگەن اقپاراتتار قوعام ءۇشىن جابىق تۇردە جاريالاندى. ماتەريالدارعا قول جەتكىزۋ ءۇشىن قوسىمشا قاراجات تولەۋ مىندەتتەلدى.
ال، اقپاراتتاندىرۋ كوميتەتى اۋدارعان 80 ميلليون تەڭگە كولەمىندەگى جانە «قازاق تەلەكوم» اۋدارعان 260 ميلليون تەڭگە كولەمىندەگى قارجىنى ۇلتتىق باسپا ءسوز كلۋبىنىڭ باسشىسى سەيىتقازى ماتايەۆ قولما- قول اقشاعا اينالدىردى. سونىمەن قاتار، تەرگەۋ انىقتاعانداي، زاڭسىز كاسىپكەرلىكپەن اينالىسقان ماتايەۆ 1,4 ميلليارد تەڭگە سوماسىنداعى قاراجاتتى قالتاسىنا باستى، 327 ميلليون تەڭگە كولەمىندەگى سالىق تولەمەدى»، - دەپ حابارلادى سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ الماتى قالاسى بويىنشا دەپارتامەنتىنىڭ باسپا ءسوز قىزمەتىنەن. سونىمەن بىرگە، جەرگىلىكتى اتقارۋشى ورگانداردىڭ وسىنداي ماقساتتارعا بولىنگەن 169 ميلليون تەڭگە سوماسىندا قاراجات جىمقىرۋ فاكتىسى دە تەكسەرىلىپ جاتىر.
ماتايەۆقا اقشا جىمقىردى جانە سالىق تولەۋدەن جالتاردى دەگەن ايىپ تاعىلىپ وتىر.
وسى قىلمىستار ءۇشىن مۇلكى تاركىلەنۋمەن بىرگە 6 جىلدان 12 جىلعا دەيىن باس بوستاندىعىنان ايىرىلۋ جازاسى قاراستىرىلعان.
بۇگىنگى كۇنى كەلتىرىلگەن زالالدىڭ شىعىنىن وتەۋ ءۇشىن سوت سانكسياسىمەن ماتايەۆتىڭ مۇلكىنە تىيىم سالىندى.
***
سەيتقازى بەيسەنعازى ۇلى ماتايەۆ - 1954 -جىلى 31 - قازاندا رەسەيدىڭ التاي ولكەسىندە دۇنيەگە كەلگەن. س. م. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن، جۋرناليست.
ەڭبەك جولىن جۇمىسشى بولىپ باستادى. 1980-1986 - جىلدارى قازتاگ- تىڭ تورعاي، قاراعاندى وبلىستارىنداعى ءتىلشىسى. 1986-1989 - جىلدارى - «يندۋستريالنايا كاراگاندا» گازەتى باس رەداكتورىنىڭ ورىنباسارى. 1989-1991 جانە 1994-1996 - جىلدارى - «يزۆەستيا» گازەتىنىڭ قازاقستانداعى ءتىلشىسى. 1991-1993 - جىلدارى - ق ر پرەزيدەنتىنىڭ باسپا ءسوز حاتشىسى. 1993-1994 - جىلدارى - ق ر پرەمەر- ءمينيسترىنىڭ باسپا ءسوز حاتشىسى. 1996 - جىلدان ۇلتتىق باسپا ءسوز كلۋبىنىڭ پرەزيدەنتى جانە 2001 -جىلدان قازاقستان جۋرناليستەر وداعى باسقارماسىنىڭ ءتوراعاسى.
