ەلورداداعى بەيبىتشىلىك جانە كەلىسىم سارايىنا كۇندەلىكتى 300 گە جۋىق تۋريست بارادى - فوتو
بۇل تۋرالى استانا قالاسى اكىمدىگىنىڭ باسپا ءسوز قىزمەتى حابارلادى.
اتالمىش ەكسكۋرسيا كەزىندە ءبىز قوناقتارعا ەكى كونفەرەنتسيا زالى مەن وپەرا زالىن كورسەتەمىز. وپەرا زالى 1300 ورىنعا لايىقتالعان. ونىڭ بىرەگەيلىگى دەپ كۇن سۋرەتىندە، 32 ساۋلە شاشىراتىپ تۇرعان تەرەزەسىن ايتۋعا بولادى. قاجەت جاعدايدا، جاز ماۋسىمىندا بۇل تەرەزە اشىلىپ، وپەرا زالىنا كۇن ساۋلەسى ءتۇسىپ تۇرادى، - دەيدى ەكسكۋرسوۆود دينارا سارسەنبايەۆا.
بۇل زالدا قازاقستان حالقى اسسامبلەياسىنىڭ وتىرىستارى ءجيى وتەدى. بەيبىتشىلىك جانە كەلىسىم سارايى ءتۇرلى ۇلتتار مەن ۇلىستار وكىلدەرىنىڭ ءجيى شوعىرلاناتىن جەرى. سارايدا كوپتەگەن ەتنومادەني ورتالىقتار ءوز جۇمىستارىن جۇرگىزۋدە.
ەسكە سالا كەتەيىك، بەيبىتشىلىك جانە كەلىسىم سارايى 2006-جىلى اشىلعان بولاتىن. ساراي قۇرىلىسى بەلگىلى اعىلشىن ارحيتەكتورى نورمان فوستەردىڭ يدەياسىمەن جۇزەگە استى. پيراميدا قۇرىلىسىنا 2000 جۇمىسشى تارتىلىپ، بارلىعى 13 اي ۋاقىت كەتكەن بولاتىن.
