قازاقستاندا 300 مىڭداي ۇيالى بايلانىس ءنومىرى ءوشىرىلدى

بۇل تۋرالى Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا ق ر ينۆەستيسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىنىڭ وكىلدەرى حابارلادى.

«تىركەۋ مەرزىمى اياقتالعاننان كەيىن 276773 ءنومىر ءوشىرىلدى»، - دەدى ۆەدومستۆو وكىلدەرى.

2014 - جىلدىڭ 10 - جەلتوقسانىندا تىركەلمەگەن 1617151 ءنومىر انىقتالدى. شارانى وتكىزۋ كەزىندە - 2014 - جىلدىڭ 10 - قازانى مەن 10 - جەلتوقسان ارالىعىندا 1340377 ءنومىر تىركەلدى.

«وشىرىلگەن ءنومىردىڭ يەسى ۇيالى بايلانىس وپەراتورىنا بارىپ، ونى قايتا قالپىنا كەلتىرە الادى، ءبىراق ول ءۇشىن ءنومىردى تىركەۋ كەرەك»، - دەدى كوميتەت وكىلدەرى.

ەسكە سالا ەتەيىك، قازاقستاندا 2014 - جىلدىڭ 10 - جەلتوقسانىندا ۇيالى بايلانىس نومىرلەرىن تىركەۋدەن وتكىزۋ مەرزىمى اياقتالعان بولاتىن. «(...). بۇل قۇقىق قورعاۋ ورگاندارىنا قاجەت، جالپى ولارعا عانا ەمەس، قوعامعا جانە قاۋىپسىزدىك ءۇشىن قاجەت. ابونەنتتەردىڭ قۇقى بۇزىلمايدى. ەگەر ولاردىڭ ءنومىرى دۇرىس تىركەلگەن بولسا، وندا ولار ۇيالى بايلانىس قىزمەتىن پايدالانا بەرەدى»، - دەدى ق ر ينۆەستيتسيالار جانە دامۋ ۆيتسە-ءمينيسترى اسقار جۇماعاليەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى