شىمكەنتتە وتەتىن «جاسىل» ەكونوميكا حالىقارالىق فورۋمىنا 300 دەن استام ادام قاتىسادى

اتالعان شاراعا مينيسترلىكتەردىڭ، ۇلتتىق كومپانيالاردىڭ، دامۋ ينستيتۋتتارىنىڭ، شەتەلدىك ديپلوماتيالىق ميسسيالاردىڭ، حالىقارالىق ۇيىمداردىڭ، ءىرى شەتەلدىك جانە وتاندىق كومپانيالاردىڭ وكىلدەرى قاتىسادى. فورۋمعا قاتىساتىنىن ونداعان ەلدىڭ كاسىپكەرلەرى راستادى، سونىڭ ىشىندە ا ق ش، رەسەي، گەرمانيا، يتاليا، پولشا، قىتاي، بولگاريا، وڭتۇستىك كورەيا، مالايزيا جانە تاعى باسقا ەلدەردىڭ وكىلدەرى بار.

فورۋمدا ايماقتاردىڭ «XPOE-2017» كورمەسىن وتكىزۋدەگى ءرولى تالقىلانادى. قازاقستاندىق جانە شەتەلدىك كومپانيالاردىڭ اراسىندا ۇزاقمەرزىمدىك ينۆەستيتسيالىق ىنتىماقتاستىق ورناتۋ ءۇشىن ديالوگتىك الاڭ ۇيىمداستىرىلادى. فورۋمنىڭ قاتىسۋشىلارى «جاسىل» ەكنوميكا تۋرالى دامۋدىڭ عالامدىق ترەندى، جاڭا وزگەرىستەردى ەسەپكە الىپ، جاسىل ەكونوميكاعا ءوتۋ تۇعىرناماسى تۋرالى اڭگىمە قوزعايدى. سونداي- اق ولار ونەركاسىپتىك جانە تۇرمىستىق قالدىقتاردى باسقارۋدىڭ زاماناۋي جۇيەلەرىن، «جاسىل» ەكونوميكاعا ءوتۋ بويىنشا تابىستى جوبالاردى تالقىلايدى.

بۇدان باسقا، پانەلدىك سەسسيالاردا ەنەرگيانىڭ جاڭعىرتىلعان كوزدەرى مەن ەڭ باستىسى - قازاقستاننىڭ يننوۆاتسيالىق دامۋىنىڭ سەرپىنى رەتىندە «XPOE-2017» ۇلتتىق كورمەسى تالقىلانادى.

فورۋمنىڭ سوڭىندا وڭتۇستىك قازاقستان وبلىسى اۋماعىنداعى «جاسىل» ەكونوميكاعا وتۋمەن بايلانىستى ينۆەستيتسيالىق جوبالاردى بىرلەسىپ ىسكە اسىرۋ كۇتىلۋدە. سونداي- اق جيىندا مەملەكەتتىك ورگاندار، ۇلتتىق كومپانيالار جانە دامۋ ينستيتۋتتارى مەن الەۋەتتى ينۆەستورلار اراسىندا بۇدان دا تىعىز ىنتىماقتاستىقتى ورناتۋ مۇمكىندىگىنىڭ تۋىنداۋى كۇتىلۋدە. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى