ا ق ش ورتالىق جانە شىعىس ەۋروپاعا 3000 اسكەر جىبەرمەك

بۇل تۋرالى سارسەنبى كۇنى پەنتاگون وكىلى دجون كيربي ءمالىم ەتتى، دەپ حابارلايدى قازاقپارات.

ونىڭ ايتۋىنشا، قازىر گەرمانيادا ورنالاسقان مىڭعا جۋىق سارباز رۋمىنياعا قايتا جىبەرىلەدى، ويتكەنى رەسەي ۋكراينامەن شەكاراداعى اسكەري قۇرامىن قىسقارتۋعا ەش نيەت تانىتپايدى، ال باتىس بۇل ەلگە رەسەيدىڭ باسىپ كىرۋىنەن قاۋىپتەنەدى. قازىرگى كەزدە رۋمىنيادا 900 امەريكالىق سارباز بار. الداعى ۋاقىتتا ولارعا فرانسيا جىبەرەتىن كۇشتەر دە قوسىلۋى ءتيىس.

«قۇراما شتاتتار فرانسيامەن جانە ءبىزدىڭ بارلىق وداقتاستارىمىزبەن كەڭەسۋدى جانە ۇيلەستىرۋدى جالعاستىرادى، بۇل كۇشتەردى ورنالاستىرۋدا ءبىر- ءبىرىمىزدى تولىقتىرۋ ءۇشىن قاجەت»، - دەدى كيربي.

سونىمەن قاتار، گەرمانيا مەن پولشاعا ا ق ش ارمياسىنىڭ جەدەل ارەكەت ەتۋشى نەگىزگى كۇشى بولىپ تابىلاتىن 82- اۋە- دەسانتتىق ديۆيزياسىنىڭ 2000 اسكەرى جىبەرىلەدى. ونىڭ ىشىندە 1700 ادام پولشاعا قايتا جىبەرىلەدى، ال قالعاندارى گەرمانياداعى امەريكالىق كۇشتەردىڭ ارەكەتىن ۇيلەستىرۋگە كومەكتەسەدى. قازىر پولشادا 5 مىڭعا جۋىق ا ق ش اسكەرى بار. اق ۇيدەن قوسىمشا كونتينگەنتتى ۋاقىتشا اۋدارۋ جاڭا بارلاۋ دەرەكتەرىن الۋمەن بايلانىستى ەمەس ەكەنىن اتاپ ءوتتى.

ينتەرفاكس اگەنتتىگىنىڭ حابارلاۋىنشا، رەسەي سىرتقى ىستەر ءمينيسترىنىڭ ورىنباسارى الەكساندر گرۋشكو ا ق ش- تىڭ ەۋروپاعا اسكەر جىبەرۋ تۋرالى شەشىمىن سىنعا الدى. شەنەۋنىك بۇل ارەكەتتەردى «ساياسي شەشىمدەر ءۇشىن ءورىستى تارىلتاتىن» «دەسترۋكتيۆتى قادامدار» دەپ اتادى.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى