قالاداعى مەترو جولى سالىنىپ جاتقان جەردەن 3000 ادامنىڭ قاڭقاسى تابىلدى

ولار وسىدان 4 عاسىر ۋاقىت بۇرىن ءومىر سۇرگەن دەگەن بولجام بار. قالانىڭ قاق ورتاسىنداعى قابىر ليۆەرپۋل- ستريت كوشەسىندە جاڭا مەترو جولى سالىنىپ جاتقان جەردەن شىققان.

40 مەتر تەرەڭدىكتەگى قاڭقالاردى قازىر عالىمدار زەرتتەپ جاتىر. مامانداردىڭ پايىمداۋىنشا، بۇل وبا ىندەتىنەن قازا تاپقانداردىڭ دەنەسى بولۋى ابدەن مۇمكىن.

ويتكەنى XVI- XVII عاسىرلاردا لوندوننىڭ ءاربىر بەسىنشى تۇرعىنى قاتەرلى دەرتتەن ايىعا الماي، اجال تىرناعىنا ىلىنگەن بولاتىن.

دجەي كارۆەر، جەتەكشى ارحەولوگ:

- XVI عاسىردا بۇل وڭىردە العاشقى مۋنيتسيپالدىق قورىم بولعان. زۇلمات جىلدارى قالا ايماعىنداعى زيراتقا ادام سىيماعان سوڭ، وسى جەردەن جاڭاسىن اشقان. سەبەبى XVI- XVII عاسىرلاردا لوندون تۇرعىندارىنىڭ سانى كۇرت كوبەيگەن ەدى. وعان قوسا، قاۋىپتى ىندەت تالاي ادامنىڭ ءومىرىن قيدى. ءبىر قىزىعى، ارحەولوگتار ريم يمپەرياسى كەزىندەگى ەجەلگى كەراميكالىق بۇيىمدار مەن تۇرمىستىق زاتتاردى تاۋىپ العان كورىنەدى. بۇلاردىڭ بارلىعىن زەرتتەۋگە بىرنەشە اي ۋاقىت كەتەدى دەيدى ولار. سول سەبەپتى لوندوننىڭ شىعىسى مەن باتىسىن جالعاستىرار مەترو جولىنىڭ قۇرىلىسى ەندى كەمى قىركۇيەك ايىنا دەيىن توقتاماق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى